BJPയുടെ ഐറ്റി സെല്‍

BJPയുടെ മുമ്പത്തെ ഐറ്റി സെല്‍ പ്രവര്‍ത്തകനുമായുള്ള അഭിമുഖം

Dhruv Rathee

ഇന്ന് ഞാന്‍ പുറത്തുകൊണ്ടുവരുന്നത് BJPയുടെ സാമൂഹ്യ മാധ്യമ IT Cell നെ ആണ്. പണം കൊടുത്തതും കള്ള വാര്‍ത്തകളും ഉപയോഗിച്ച് എങ്ങനെയാണ് അവര്‍ അവരുടെ പ്രചാരവേല പരത്തുന്നത് എന്നത്. ഏത് പാര്‍ട്ടിയുടേയും IT Cells അവരുടെ മാര്‍ക്കറ്റിങ്ങും, പരസ്യവും ചെയ്യാനാണ് ഉപയോഗിക്കുന്നത്. ആ പാര്‍ട്ടിയുടെ നേട്ടങ്ങളും പ്രചരിപ്പിക്കാനും മറ്റ് പാര്‍ട്ടികളെ വിമര്‍ശിക്കാനും സാമൂഹ്യ മാധ്യമങ്ങളുപയോഗിച്ച് കള്ളം പ്രചരിപ്പിക്കുന്നു. എന്നാല്‍ BJP IT cell ന്റെ പ്രത്യേകത എന്തെന്ന് വെച്ചാല്‍ അത് പ്രധാനമായി കള്ള വാര്‍ത്ത പങ്കുവെക്കുന്നു എന്നതാണ്. അവരുടെ നേട്ടം എന്നത് മറ്റ് പാര്‍ട്ടികളെ അപകീര്‍ത്തിപ്പെടുത്താനുള്ള ഫോട്ടോഷോപ്പും കള്ളവാര്‍ത്തകളും ഉപയോഗിക്കുന്നു എന്നതാണ്.

ആദ്യം പണം കൊടുത്തുണ്ടാക്കുന്ന ട്വിറ്റര്‍ ട്രന്റുകളെക്കുറിച്ച് നോക്കാം. ആളുകള്‍ ചെയ്യുന്ന ഓരോ ട്വീറ്റിനും അവര്‍ പണം കൊടുക്കുന്നു. അത് BJP പിന്‍തുണക്കുന്നവരും അവരുടെ സന്നദ്ധ പ്രവര്‍ത്തകരും ആകാം എന്നാവും താങ്കള്‍ കരുതുന്നത്.

എന്നാല്‍ അങ്ങനെയല്ല അത്. PR കമ്പനികള്‍ക്ക് പണം കൊടുക്കുത്താണ് BJP IT cell പരിപാടികള്‍ നടത്തുന്നത്. PR കമ്പനികള്‍ക്ക് വേണ്ടി ജോലിചെയ്യുന്ന ജോലിക്കാരെ Influencers എന്നാണ് വിളിക്കുന്നത്. ഓരോ Influencers നും എപ്പോഴാണ് എന്താണ് ട്വീറ്റ് ചെയ്യേണ്ടതെന്നതിന്റെ വിവരം ഇമെയില്‍ ആയി കൊടുക്കും. ഓരോ ട്വിറ്റര്‍ പരിപാടിയിലും ഓരോ influencerക്ക് 50-70 രൂപാ വീതം കൊടുക്കുന്നു. എന്റെ കൈവശം അത്തരത്തിലുള്ള ചില ഇമെയിലുകളുണ്ട്. നോക്കൂ. ഈ ഇമെയിലുകള്‍ നോക്കു.അതില്‍ ട്വീറ്റ് ചെയ്യേണ്ട സമയം ഹാഷ്ടാഗ് എന്നിവ കൊടുത്തിരിക്കുന്നു. ഇവര്‍ സാമ്പിള്‍ ട്വീറ്റുകളും കൊടുത്തിട്ടുണ്ട്. അതിന്റെ വിലയും കൊടുത്തിട്ടുണ്ട്. ഇത്ര ട്വീറ്റ് ചെയ്താല്‍ ഇത്രയും പൈസ കിട്ടുമെന്നും കൊടുത്തിരിക്കുന്നു.

ഇത് കോര്‍പ്പറേറ്റ് കമ്പനി സുഹൃത്തുക്കളായ അദാനിക്കൊക്കെ വേണ്ടി ചെയ്യുന്നുണ്ട്. ബോളിവുഡ് താരങ്ങളും PR കമ്പനികളെ ഉപയോഗിക്കുന്നുണ്ട്. അത്തരത്തില്‍ പണം വാങ്ങുന്ന ചില influencers ന്റെ ട്വിറ്റര്‍ അകൌണ്ടുകള്‍ എനിക്ക് കിട്ടിയിട്ടുണ്ട്. ഇതാണ് അവരുടെ പേരുകള്‍. ഇവരുടെ ട്വിറ്ററകൌണ്ടുകള്‍ താങ്കള്‍ നോക്കുകയാണെങ്കില്‍ താങ്കള്‍ക്കത് സ്വയം മനസിലാകും.

ഇവരെ തിരിച്ചറിയാനുള്ള ഒരു വഴി അവരുടെ എല്ലാ ട്വീറ്റുകളും ഏതെങ്കിലും ട്രന്റാകുന്ന ഹാഷ് ടാഗിലായിരിക്കും എന്നതാണ്. കൃത്യമായ സമയ പരിധിയിലാവും അതുണ്ടാകുക. വിവിധ വിഷയയങ്ങളിലാകും അവര്‍ ട്വീറ്റ് ചെയ്യുന്നത്. ഈ ഹാഷ് ടാഗുകള്‍ കൊടുത്തിരിക്കുന്നത് BJP പോലുള്ള രാഷ്ട്രീയ പാര്‍ട്ടികളോ ചില കോര്‍പ്പറേറ്റ് കമ്പനികളോ ആണ്.

ആ ഇമെയിലുകളയച്ച അകൌണ്ട് ഇതാണ്. ഈ ട്വിറ്റര്‍ അകൌണ്ട് ഒരു പെണ്‍കുട്ടിയാണ് നടത്തുന്നത്. അവരുടെ വിവരണത്തില്‍ സ്വയം എഴുതിയിരിക്കന്നത് അവര്‍ influencers ആണെന്നതാണെന്നും അവര്‍ മാര്‍ക്കറ്റിങ് പരിപാടി സ്വയം നടത്തുന്നു എന്നുമാണ്. ഈ അകൌണ്ടുകളില്‍ നിന്നുള്ള ട്വീറ്റുകള്‍ നോക്കൂ. അവ എല്ലാം പണം വാങ്ങി ചെയ്തതാണെന്ന് കാണുമ്പോള്‍ തന്നെ വ്യക്തമാകും.

BJP IT Cell നെക്കുറിച്ചുള്ള മറ്റൊരു കാര്യം ഫോട്ടോഷോപ്പാണ്. അവര്‍ ഏറ്റവും അധികം ഉപയോഗിക്കുന്ന ഉപകരണമാണിത്. ഒരു സമയത്ത് ജീവിതത്തെക്കാള്‍ വലുതാണ് തങ്ങളെന്ന് വരുത്തിത്തീര്‍ക്കുന്ന ബാലിശമായ ഫോട്ടോഷോപ്പ് അവര്‍ പങ്ക് വെക്കുമ്പോള്‍, ഉദാഹരണത്തിന് വെള്ളച്ചാട്ടത്തിലെ മോഡി. ധാരാളം വിഢികളായ മനുഷ്യര്‍ അതെല്ലാം വിശ്വസിക്കുന്നു.

പ്രശസ്തരായ ആള്‍ക്കാരുടെ പേരില്‍ അവര്‍ ഒരിക്കലും പറഞ്ഞിട്ടില്ലാത്ത കള്ള വാചകങ്ങള്‍ അവര്‍ പ്രചരിപ്പിക്കുന്നു. ചിലപ്പോള്‍ സ്വയം പുകഴ്ത്തും. ചിലപ്പോള്‍ മറ്റ് പാര്‍ട്ടികളെക്കുറിച്ച് അപവാദം പരത്തുന്നു.

ഇവിടെ നോക്കൂ AAP ന്റെ പ്രവര്‍ത്തകനെ BJP ഗുണ്ടകള് മര്‍ദ്ദിച്ചു. ആ പ്രവര്‍ത്തനില്‍ നിന്ന് ചോരയൊലിച്ച് വരുന്നു. IT cell ആ ചിത്രം പങ്ക് വെച്ചിട്ട് അത് BJPയുടെ പ്രവര്‍ത്തകനാണെന്നും അയാളെ AAP പ്രവര്‍ത്തകനാണ് മര്‍ദ്ദിച്ചതെന്നും പറയുന്നു. അവര്‍ അതേ കാര്യം വീഡിയോയിലും പറയുന്നുണ്ട്. വ്യത്യസ്ഥ ക്ലിപ്പുകളില്‍ നിന്നുള്ള വീഡിയോയും ഓഡിയോയും കൂട്ടിച്ചേര്‍ത്ത് അവര്‍ക്ക് വേണ്ടത് അവര്‍ കാണിക്കും. ഈ രീതിയില്‍ ആണ് അവര്‍ അവരുടെ പ്രചാരവേല പ്രചരിപ്പിക്കുന്നത്.

ഈ കാര്യം വളരെ ഗൌരവകരമായി മാറിയതിനാല്‍ 2004 ല്‍ BJP IT cell സ്ഥാപിച്ച അതിന്റെ സ്ഥാപകന്‍ പാര്‍ട്ടിയില്‍ നിന്ന് രാജിവെച്ചു. Prodyut Bora പറയുന്നു, “പാര്‍ട്ടിക്ക് ഭ്രാന്ത് പിടിച്ചിരിക്കുകയാണ്. എങ്ങനേയും വിജയിക്കുക എന്ന ലക്ഷ്യം പാര്‍ട്ടിയുടെ ധര്‍മ്മചിന്തയെ നശിപ്പിച്ചു. 2004 ല്‍ ഞാന്‍ ചേര്‍ന്ന പാര്‍ട്ടിയല്ല ഇത്.’ ഇപ്പോള്‍ Amit Malviya ആണ് BJP IT Cell ന്റെ തലവന്‍. അയാളുടെ താഴെ, ഈ കള്ളങ്ങളെല്ലാം പരത്തുന്നു. PR കമ്പനികളെ ജോലിക്കെടുക്കുന്നു. കള്ളം പ്രചരിപ്പിക്കാനുള്ള വളരെ സംഘടിതമായ യന്ത്രമാണ് അവര്‍ക്കുള്ളത്.

Whats app പങ്കുവെക്കലുകള്‍ ഹിന്ദുയിസത്തേയും ദേശീയതയുടെ ആത്മാവിനേയും ലക്ഷ്യം വെക്കുന്നു. അവര്‍ക്ക് ഫേസ്‌ബുക്കില്‍ പണം കൊടുത്ത് വാങ്ങിയ താളുകളുണ്ട്. നിഷ്പക്ഷമാണെന്ന് അവ പറയെന്നുവെങ്കിലും അങ്ങനെയല്ല. ഏതെങ്കിലും കള്ളങ്ങള്‍ വന്നാല്‍ അത് ആദ്യം ഇവര്‍ പങ്കുവെക്കും. ഉദാഹരണത്തിന് frustrated indians, sathia vijay. com, jago bharat. com

അവര്‍ കള്ള വാര്‍ത്തകള്‍ ആസൂത്രിതമായ രീതിയില്‍ പ്രചരിപ്പിക്കുന്നു. ചിലപ്പോള്‍ അവരുടെ പ്രചാരവേലകള്‍ വളരെ വിജയപ്രദമാകും. മുഖ്യധാരാ മാധ്യമങ്ങള്‍ ഈ കള്ളങ്ങള്‍ വാര്‍ത്തകളെന്ന് കരുതുതി വാര്‍ത്തയായി കൊടുക്കുന്നു. അപ്പോള്‍ സത്യവും കള്ളവും തമ്മിലുള്ള വ്യത്യാസം പറയുക വളരെ വിഷമകരമാകുന്നു. ത്രിപുര ഹൈവേ റിപ്പയര്‍ ചെയ്യാനായി മോഡി രാത്രി 10 മണിക്ക്IAS ഓഫീസറെ വിളിച്ചു എന്ന് അടുത്തകാലത്ത് വന്ന വാര്‍ത്ത പോലുള്ളത്.

ഈ പോസ്റ്റ് ആദ്യം എഴുതിയത് Quoraയില്‍ BJP IT cell അംഗമായ Pushpin Chakarborthy ആണ്. പിന്നീട് അത് BJP Paid പേജുകളില്‍ അത് പങ്കുവെക്കപ്പെട്ടു. പിന്നീട് അത് Zee news, India TV പോലുള്ള BJP paid മാധ്യമ ചാനലുകളില്‍ വന്നു. പിന്നീട് ആ പോസ്റ്റ് എങ്ങനെയോ വൈറലായി ഓരോ ചെറുതും വലുതുമായ മാധ്യമ ചാനലുകള്‍ അതിനെക്കുറിച്ച് സംസാരിക്കാന്‍ തുടങ്ങി.

പക്ഷേ അതില്‍ പറയുന്ന IAS ഉദ്യോഗസ്ഥനുമായി ബന്ധപ്പെട്ട് ഇക്കാര്യം ചോദിച്ചപ്പോള്‍ അദ്ദേഹം പൂര്‍ണ്ണമായും വിസമതിക്കുകയായിരുന്നു. മോഡിയില്‍ നിന്ന് അദ്ദേഹത്തിന് ഒരു ഫോണ്‍ സന്ദേശവും കിട്ടിയില്ല എന്ന് പറഞ്ഞു. വാര്‍ത്ത പരിശോധിക്കാനായി പുഷ്പക്കിനോട് കൂടുതല്‍ വിവരങ്ങള്‍ നല്‍കാന്‍ പറഞ്ഞപ്പോള്‍ അത് പ്രോട്ടോക്കോളിന് എതിരായതിനാല്‍ കൂടുതല്‍ വിവരങ്ങള്‍ തരാന്‍ പറ്റില്ലെന്ന് അയാള്‍ പറഞ്ഞു.

അങ്ങനെയാണ് അവര്‍ കള്ളങ്ങള്‍ പ്രചരിപ്പിക്കുന്നത് അപ്പോള്‍ കള്ളവും സത്യവും തമ്മിലുള്ള വ്യത്യാസം എന്താണ് എന്നതാണ് ചോദ്യം. ഒരു ലളിതമായ വഴിയുണ്ട്.

എവിടെയായാലും നിങ്ങള്‍ വായിക്കുന്ന വാര്‍ത്ത ഒന്ന് ഇന്റര്‍നെറ്റില്‍ തെരയുക. ആ വാര്‍ത്ത 3-4 അംഗീകാരമുള്ള പ്രധാനപ്പെട്ട TOI, HT, Hindu, Indian Express പോലുള്ള പത്രങ്ങളില്‍ വന്നിട്ടുണ്ടെങ്കില്‍ 99% ഉം അത് സത്യമായിരിക്കും. എന്നാല്‍ ആ വാര്‍ത്ത Zee news, India TV, frustrated indians, sathia vijay, hindutva .info പോലുള്ള മാധ്യമങ്ങളില്‍ മാത്രമാണ് വരുന്നതെങ്കില്‍ 99% സമയത്തും അത് കള്ള വാര്‍ത്ത ആകാനാണ് സാദ്ധ്യത.

വില്‍ക്കപ്പെട്ട മാധ്യമ ചാനലുകളും മതിപ്പുള്ളവയും തമ്മില്‍ ഒരു വ്യത്യാസമുണ്ട്. ഉറപ്പില്ലാത്ത ഒരു വാര്‍ത്തവരുമ്പോള്‍ എല്ലായിപ്പോഴും ആ വാര്‍ത്ത പരിശോധിക്കപ്പെട്ടിട്ടില്ലാത്ത ഒന്നാണെന്ന് മതിപ്പുള്ള മാധ്യമ ചാനല്‍ പറയും. ഉദാഹരണത്തിന് IAS ഉദ്യോഗസ്ഥന്റെ വാര്‍ത്തയുടെ കാര്യത്തില്‍, അത് ഒരു പരിശോധിക്കപ്പെടാത്ത വാര്‍ത്തയാണെന്ന് Indian Express സൂചിപ്പിച്ചിരുന്നു.

IT Cell നെ പ്രവര്‍ത്തിപ്പിക്കാനായി ആയിരക്കണക്കിന് കോടി രൂപയുടെ കള്ളപ്പണം BJP ഉപയോഗിക്കുന്നു എന്ന് ചില ഏജന്‍സികള്‍ കണക്കാക്കുന്നു. എന്നാല്‍ യഥാര്‍ത്ഥത്തില്‍ എത്ര പണം ഉപയോഗിക്കുന്നു, എവിടെ നിന്ന് ഈ പണം വരുന്നു എന്നത് നമുക്ക് ഒരിക്കലും അറിയാന്‍ കഴിയില്ല.

കാരണം BJP പോലുള്ള രാഷ്ട്രീയ പാര്‍ട്ടികള്‍ ഒരിക്കലും RTI നിയമത്തിന് കീഴേ വരാന്‍ ആഗ്രഹിക്കുന്നില്ല. അതുപോലെ അവരുടെ സംഭവാന സ്രോതസ്സുകളുടെ വിവരങ്ങള്‍ വെളിപ്പെടുത്താനും ആഗ്രഹിക്കുന്നില്ല. അതുകൊണ്ട് അവരുടെ പ്രചാരവേലകളില്‍ നിന്ന് നിങ്ങള്‍ നിങ്ങളെ സ്വയം രക്ഷപെടുത്തണം. ഞാന്‍ പറഞ്ഞ മാധ്യമ ചാനലുകളില്‍ നിന്നും വാര്‍ത്താ വെബ് സൈറ്റുകളില്‍ നിന്നും മാറി നില്‍ക്കുക.

Dhruv Rathee

നമസ്കാരം സുഹൃത്തുക്കളേ!

The BJP IT Cell- ഞാന്‍ മുമ്പ് അതിനെക്കുറിച്ച് ഒരു വീഡിയോ ചെയ്തിരുന്നു. വളരെ പഴയ ഒരു വീഡിയോ ആയിരുന്നു അത് ഈ സെല്‍ കള്ള വാര്‍ത്തകളുടെ ഒരു ദേശീയഫാക്റ്ററിയാണെന്ന് അതില്‍ ഞാന്‍ വിശദീകരിച്ചിരുന്നു. കള്ള വാര്‍ത്തകളായും പ്രചാര വേലകളും ഉപയോഗിച്ച് എല്ലാ സോഷ്യല്‍ മീഡിയയിലും എങ്ങനെ അത് കള്ളം പ്രചരിപ്പിക്കുന്നു എന്നതിനെക്കുറിച്ച്. Indian Army എന്നോ പ്രമുഖരായ സെലിബ്രിറ്റികളുടേയോ പേരില്‍ ഫേസ്‌ബുക്കില്‍ അവര്‍ക്ക് ധാരാളം പണം കൊടുത്ത പേജുകളുണ്ട്. ഉദ്ദേശിക്കുന്ന hashtags കോപ്പി പേസ്റ്റ് ചെയ്യാന്‍ കഴിയുന്ന ആളുകള്‍ക്ക് ഒരു ടാഗിന് 30-40 രൂപ എന്ന തോതില്‍ പണം കൊടുത്ത് അവര്‍ Twitterല്‍ ട്രന്റുണ്ടാക്കുന്നു. അങ്ങനെ അത് വൈറല്‍ ആക്കുന്നു. അവര്‍ ധാരാളം കള്ള വെബ് സൈറ്റുകള്‍ നടത്തുന്നുണ്ട്. അതെല്ലാം മുമ്പത്തെ ഒരു വീഡിയോയില്‍ വിശദമാക്കിയിരുന്നല്ലോ മുമ്പത്തെ വീഡിയോ താങ്കള്‍ കണ്ടില്ലെങ്കില്‍ അത് തീര്‍ച്ചയായും കാണണമെന്ന് ഞാന്‍ നിര്‍ദേശിക്കുന്നു. “i” ബട്ടണ്‍ അമര്‍ത്തി ആ വീഡിയോ താങ്കള്‍ക്ക് കാണാം.

ഈ വീഡിയോയില്‍ ഞാന്‍ ഒരു മുമ്പത്തെ BJP IT cell അംഗവുമായി അഭിമുഖം നടത്തുകയാണ്. ഈ അഭിമുഖത്തിന് തയ്യാറായ മുമ്പത്തെ ഈ അംഗത്തിന്റെ പേര് മഹാവീര്‍ എന്നാണ്.
അദ്ദേഹം IT cell ഉപേക്ഷിച്ചിരിക്കുന്നു. ശരിക്കും IT cell ല്‍ ജോലി ചെയ്തു എന്നതിന്റെ തെളിവിനായി മഹാവീര്‍ കുറച്ച് ചിത്രങ്ങള്‍ തന്നിരുന്നു. ഞാന്‍ അത് കാണിച്ച് തരാം. ഇത് സുബ്രഹ്മണ്യ സ്വാമിയുമായുള്ളതാണ്, ഇത് ജനറല്‍ വികെ സിംഗുമൊത്ത്, മോഡി സര്‍ക്കാരിലെ Minority affairs മന്ത്രിയോടൊപ്പം മഹാവീറിന് ഏതെങ്കിലും തരത്തില്‍ പാര്‍ട്ടിയുമായി ബന്ധമുണ്ടായിരുന്നു എന്ന് ഉയര്‍ന്ന സ്ഥാനമുള്ള BJP വ്യക്തിത്വങ്ങളുമായുള്ള ഈ ചിത്രങ്ങള്‍ തെളിയിക്കുന്നു IT cell ന്റെ അംഗമായിരുന്നു എന്നും അദ്ദേഹം പറയുന്നുണ്ട്.

ഈ അഭിമുഖത്തില്‍, ഞാന്‍ അയാളോട് ധാരാളം ചോദ്യങ്ങള്‍ ചോദിച്ചു IT cell ന്റെ പ്രവര്‍ത്തനത്തെക്കുറിച്ചും എങ്ങനെ അത് കള്ളം പ്രചരിപ്പിക്കുന്നു എന്നും, മറ്റ് പാര്‍ട്ടികളുടെ IT cell നെ അപേക്ഷിച്ച് BJP IT cell എങ്ങനെ വ്യത്യസ്ഥമായിരിക്കുന്നു, പ്രത്യേകിച്ചും Congress IT cell & BJP IT cell തമ്മില്‍.

അഭിമുഖം ദീര്‍ഘമേറിയതാണ്. പക്ഷേ ദയവ് ചെയ്ത് അത് അവസാനം വരെ കാണുക. കാരണം ഇതുവരെ പൊതുജനങ്ങളുടെ മുമ്പില്‍ തുറന്ന് കാട്ടപ്പെടാത്ത പല കാര്യങ്ങളും അത് നിങ്ങളോട് വിശദമാക്കും. ഒരു വാര്‍ത്താ മാധ്യമങ്ങളും ഈ വിവരങ്ങള്‍ നിങ്ങളോട് പറഞ്ഞിട്ടുണ്ടാവില്ല. അഭിമുഖം നമുക്ക് കാണാം.

ധ്രുവ്: നമസ്കാരം മഹാവീര്‍!
മഹാവീര്‍: നമസ്കാരം ധ്രുവ് സഹോദരാ!

ധ്രുവ്: ആദ്യമായി എനിക്ക് ചോദിക്കാനുള്ളത്, എന്നാണ് താങ്കള്‍ BJP IT സെല്ലില്‍ ചേരുന്നത്?

മഹാവീര്‍: 2013 മുതലാണ് ഞാന്‍ IT cell ല്‍ ചേര്‍ന്നത്, ശരിക്കും 2012 ല്‍ അതിന്റെ തുടക്കത്തില്‍, ഗഡ്ഖരി സെല്ലിന്റെ തലവനായിരിന്ന കാലത്താണ്.

ധ്രുവ്: എന്ന് വരെയാണ് താങ്കള്‍ സജീവമായ അംഗമായത്?

മഹാവീര്‍: 2015 വരെ

ധ്രുവ്: 2012 മുതല്‍ 2015 വരെ – മൂന്ന് വര്‍ഷം

മഹാവീര്‍: അതെ.

ധ്രുവ്: എന്തുകൊണ്ടാണ് നിങ്ങള്‍ അതില്‍ അംഗമായത്?

മഹാവീര്‍: ഞങ്ങള്‍ അതിനെക്കുറിച്ച് കേട്ടിട്ടുണ്ടായിരുന്നു, ആലോക് സോളങ്കി എന്നെ ജോലിക്കെടുക്കുകയായിരുന്നു, എന്റെ സാമൂഹ്യമാധ്യമങ്ങളിലെ കഴിവ് കണ്ടിട്ട്.

ധ്രുവ്: ശരി, അതായത് അവര്‍ നിങ്ങളെ തെരഞ്ഞെടുത്തു? തിരിച്ചല്ലല്ലോ?

മഹാവീര്‍: അല്ല. ഞാന്‍ അവരെ തെരഞ്ഞെടുത്തതല്ല. അവര്‍ എന്നെ തെരഞ്ഞെടുത്തതാണ്. അവര്‍ എല്ലാ അംഗങ്ങളേയും നിരീക്ഷിച്ചുകൊണ്ടിരിക്കുകയാണ്. എല്ലാ അംഗങ്ങളേയും അവര്‍ തന്നെ തെരഞ്ഞെടുത്തതാണ്.

ധ്രുവ്: ഏകദേശം എത്രയാളുകള്‍ ഈ IT സെല്ലില്‍ പ്രവര്‍ത്തിക്കുന്നു?

മഹാവീര്‍: കൃത്യമായി അറിയില്ല. ഏകദേശം 20000, എല്ലാ സംസ്ഥാനങ്ങളിലേയും ആളുകളെ ഒന്നിച്ച് കൂട്ടിയാല്‍. ജില്ലാ തലം, പ്രാദേശിക തലം എല്ലായിടത്തുനിന്നും കൂടി. അവരുടെ സെല്ല്
ഒരു വലിയ കമ്പനി പോലെയാണ്. വലിയ PR കമ്പനികളും അവര്‍ക്ക് വേണ്ടി ജോലിചെയ്യുന്നുണ്ട്.

ധ്രുവ്: എന്നാല്‍ അവര്‍ക്കൊരു ഉന്നത മാനേജ്മെന്റ് ടീം ഉണ്ടാകേണ്ടെ, മറ്റ് കമ്പനികള്‍ പോലെ ഒരു കേന്ദ്ര സംഘം, നിങ്ങള്‍ IT സെല്ലിന്റെ ഏത് ഘടകത്തിലാണ്, ഏത് സ്ഥാനത്താണ് ജോലി ചെയ്തത്?

മഹാവീര്‍: എറ്റവും താഴ്ന്ന നിലയിലുള്ള സ്ഥാനത്തായിരുന്നു ഞാന്‍. സാധാരണ ജോലിക്കാരനെ പോലെ.

ധ്രുവ്: എന്താണതിന്റെ അര്‍ത്ഥം?

മഹാവീര്‍: അവര്‍ക്ക് ഏറ്റവും മുകളിലുള്ള 150 പേരുണ്ട്. “സൂപ്പര്‍ 150” എന്നാണ് അതിന്റെ പേര്. അവരെ നിങ്ങള്‍ക്ക് ഗൂഗിളില്‍ തെരയാം. സൂപ്പര്‍ 150 നെക്കുറിച്ചുള്ള എല്ലാ വിവരവും ലഭിക്കും.

ധ്രുവ്: നിങ്ങള്‍ സൂപ്പര്‍ 150 ന്റെ ഭാഗമാണോ?

മഹാവീര്‍: അല്ല, ഞാന്‍ സൂപ്പര്‍ 150 ന്റെ ഭാഗമല്ല. എന്നാല്‍ ഞാന്‍ 151 ആമത്തെ അംഗമാണ്. സൂപ്പര്‍ 150 ന് ശേഷം 50 പേരുടെ ഒരു സംഘം ഉണ്ട്.

ധ്രുവ്: സൂപ്പര്‍ 150 ന് ശേഷം 50 പേരുടെ ഒരു സംഘം ഉണ്ട്. അതില്‍ നിങ്ങള്‍ അംഗമാണ് അല്ലേ?

മഹാവീര്‍: അതെ ഞാന്‍ ആ സംഘത്തിന്റെ ഭാഗമാണ്. എന്റെ സുഹൃത്തുക്കള്‍ ഇപ്പോഴും ആ സംഘത്തില്‍ ജോലി ചെയ്യുന്നുണ്ട്. ഞാന്‍ പിന്നീട് ജോലി ഉപേക്ഷിച്ചു. എന്റെ ടീമില്‍ 50 പേരുണ്ടായിരുന്നു. ഒരേ നിലയില്‍. ഏറ്റവും മുകളില്‍ അങ്കിത് പാണ്ഡേ, വികാസ് പാണ്ഡേ ഉള്‍പ്പടെ സൂപ്പര്‍ 150 അംഗങ്ങളും.. പിന്നെ സുബ്രഹ്മണ്യം മറ്റ് ഉന്നത അംഗങ്ങളും.

ധ്രുവ്: ഈ സൂപ്പര്‍ 150 അംഗങ്ങള്‍ക്കാണ് പ്രധാനമന്ത്രിയെ കാണാനുള്ള അവസരം കിട്ടുന്നത്. QUINT പ്രസിദ്ധീകരിച്ച 2015 ലെ വാര്‍ത്താ റിപ്പോര്‍ട്ട് താങ്കള്‍ കാണ്ടിട്ടുണ്ടെങ്കില്‍
അതില്‍ പറയുന്നത് കാണാം, “സൂപ്പര്‍ 150കളിലെ Twitter Trollകളെ പ്രധാനമന്ത്രി മോഡി ക്ഷണിച്ചു”. 2015 ലെ വാര്‍ത്തയാണ്. സാമൂഹ്യമാധ്യമങ്ങളിലെ 150 സ്വാധീന വ്യക്തികള്‍ ഇതില്‍ ഉള്‍പ്പെടുന്നു എന്ന് പറയുന്നു. Digital India Initiative ന്റെ ഭാഗമായി BJP IT സെല്ലിലെ ഉയര്‍ന്ന അംഗങ്ങള്‍ അതിനായി പ്രത്യേക ക്ഷണം നടത്തുന്നു. അവര്‍ക്ക് സെല്‍ഫി എടുക്കാനാവില്ല. ക്ഷണിക്കാന്‍ മാത്രമേ കഴിയൂ. Tejinder Bagga പോലുള്ള സൂപ്പര്‍ 150 യിലെ അംഗങ്ങളെ ഈ റിപ്പോര്‍ട്ടില്‍ നിങ്ങള്‍ക്ക് കാണാം..

ഇതില്‍ നിങ്ങള്‍ ഒരു പ്രത്യേക കാര്യം ശ്രദ്ധിച്ച് കാണും. എല്ലാ ചിത്രത്തിനും ഒരേ പശ്ചാത്തലമാണ്. എല്ലാ 150 അംഗങ്ങളും ഒരു സ്ഥലത്ത് നിന്നാണാ ഫോട്ടോ എടുത്തിരിക്കുന്നത്. ഇതാ നമുക്ക് അങ്കിത് ജെയ്നിന്റെ ചിത്രം അതേ പശ്ചാത്തലം. Quint ലേഖനം പറയുന്നത്, ഈ 150 പേരില്‍ ധാരാളം മോശമായി പെരുമാറുന്ന ട്രോളര്‍മാരും ഉണ്ട് എന്നാണ്.

ഇതുപോലെ വിദ്വേഷപരമായ നീചഭാഷ ഉപയോഗിക്കുന്ന മോശമായ പോസ്റ്റുകള്‍ അങ്കിത് പ്രസിദ്ധപ്പെടുത്തിയിട്ടുണ്ട്. ഇവിടെ അയാള്‍ക്ക് പ്രധാനമന്ത്രിയുമായി കണ്ടുമുട്ടാന്‍ അവസരം കിട്ടി. സുരേഷ് Nakhuaയുടെ ചിത്രം. വീണ്ടും അതേ പശ്ചാത്തലത്തില്‍. അവരെല്ലാം പ്രധാനമന്ത്രിയുമായി ഒരു സ്ഥലത്ത് നിന്നാണ് ചിത്രം എടുത്തിരിക്കുന്നത്. അയാളും മോശം ഭാഷയില്‍ ട്വിറ്ററില്‍ പോസ്റ്റുകളിടുന്നു. അതുകൊണ്ട് ഈ എല്ലാ ആളുകളും പ്രധാനമന്ത്രി മോഡിയെ കാണാന്‍ അവസരം കിട്ടും. IT സെല്ലിലെ ഈ 150 പേരുടെ കൂട്ടത്തിലില്ലാത്തവര്‍ക്ക് ഉന്നത നേതൃത്വത്തെ കാണാന്‍ അവസരം കിട്ടില്ല.

ധൃുവ്: നിങ്ങളുടെ 50 അംഗ സംഘം എന്താണ് ചെയ്തത്?

മഹാവീര്‍ : എന്റെ ജോലി ഫേസ്‌ബുക്കിലായിരുന്നു. ഏറ്റവും കൂടുതല്‍ ട്രോളിങ്ങ് നടത്താന്‍. BJPക്ക് എതിരായി എഴുതുന്നതിനെ ശല്യപ്പെടുത്താനും ട്രോള് ചെയ്യാനും, അവരെ കൊണ്ട് എഴുതുന്നത് നിര്‍ത്തിപ്പിക്കാനും, അത്തരം അകൌണ്ടുകള്‍ റിപ്പോര്‍ട്ട് ചെയ്യാനും അവ തുടര്‍ന്ന് എഴുതാതിരിക്കാനായി അടച്ച് പൂട്ടിക്കാനും.

ധൃുവ്: ഈ 50 പേര്‍ക്കെല്ലാം ട്രോളിങ്ങിന്റെ അതേ ജോലിയായിരുന്നോ?

മഹാവീര്‍ : 50 പേരില്‍ എല്ലാവര്‍ക്കും ഒരേ ജോലിയാണ്. അവര്‍ക്ക് അത് കഴിഞ്ഞില്ലെങ്കില്‍ കൂടുതല്‍ ആളുകളെ ഇ മെയില്‍ മുഖാന്തരം ആ ജോലിക്കായി നിയോഗിക്കും. ഇന്‍ഡ്യയിലെ മുഴുവന്‍ IT സെല്ലുകളിലേക്കും ഇ മെയില്‍ പ്രചരിപ്പിക്കും, പ്രത്യേ ക വിഷയങ്ങളില്‍ ട്രോള്‍ ചെയ്യുന്നതിന്. എല്ലാവര്‍ക്കും ഒരേ മെയില്‍ ആകും കിട്ടുന്നത്. ആയിരക്കണക്കിന് ആളുകള്‍ക്ക് ഈ മെയില്‍ കിട്ടുന്നു.

ധൃുവ്: ഈ സൂപ്പര്‍ 150 സംഘത്തിന്റെ ജോലി എന്താണ്? അവരും ട്രോളിങ്ങ് ചെയ്യുന്നുണ്ടോ?

മഹാവീര്‍ : ശരിയാണ്. അവരുടെ ജോലിയില്‍ ട്രോളിങ്ങും ഉള്‍പ്പെടുന്നു. പ്രധാന ഉള്ളടക്കം നിര്‍മ്മിക്കുന്നതും സൂപ്പര്‍ 150 ചെയ്യുന്ന ജോലിയാണ്.

ധൃുവ്: എന്തിനാണ് ട്വീറ്റുകള്‍ പോസ്റ്റ് ചെയ്യുന്നത്, പണം ചിലവാക്കി ട്രന്റുണ്ടാക്കുന്നത്- നിങ്ങള്‍ പണം മുടക്കടുന്ന ട്രന്റ് ചെയ്തിട്ടുണ്ടോ?

മഹാവീര്‍ : ഇല്ല. ഞാന്‍ ട്വിറ്ററില്‍ ഇല്ല. പക്ഷേ അതേ ആവശ്യത്തിനായി ട്വിറ്ററില്‍ ചേരണം എന്ന സന്ദേശങ്ങള്‍ എനിക്ക് കിട്ടാറുണ്ട്. എനിക്ക് ട്വിറ്റര്‍ മനസിലായില്ല. അതുകൊണ്ട് ചേര്‍ന്നില്ല. ട്വിറ്ററില്‍ 50 ട്വീറ്റുകള്‍ ട്രന്റുള്ള വിഷയത്തില്‍ നിര്‍മ്മിക്കുന്നു. പിന്നീട് ആ പട്ടിക എല്ലാ അംഗങ്ങളിലേക്കും വിതരണം ചെയ്യുന്നു. പ്രത്യേക സമയത്ത് ക്രമമില്ലാതെ ആ വിഷയത്തില്‍ ട്വീറ്റുകള്‍ പോസ്റ്റുചെയ്യാനായി പറയുന്നു.

ധൃുവ്: ശരി.

മഹാവീര്‍: ഏത് പോസ്റ്റുകള്‍ ട്വീറ്റ് ചെയ്യണണെന്നത് അംഗങ്ങള്‍ക്ക് തെരഞ്ഞെടുക്കാനുള്ള സൌകര്യമുണ്ട്, ഒരു സമയത്ത് യാദൃശ്ഛികമായ ഏതെങ്കിലും 5 ട്വീറ്റുകള്‍ അവര്‍ തെരഞ്ഞെടുക്കുന്നു. അതുകൊണ്ട് നിങ്ങള്‍ക്ക് ഒരു സമയം ഒരു വിഷയത്തെക്കുറിച്ചുള്ള കുറഞ്ഞത് 2000 ട്വീറ്റെങ്കിലും കാണാം. അത് പ്ലാറ്റ്ഫോമില്‍ അതിന്റെ ട്രന്റുണ്ടാക്കുന്നു.

ധൃുവ്: ട്വീറ്റുകള്‍ നിര്‍മ്മിക്കുന്നതിന്റെ ജോലി സൂപ്പര്‍ 150 ലെ അംഗങ്ങള്‍ ആണോ ചെയ്യുന്നത്?

മഹാവീര്‍: ശരിയാണ്. സൂപ്പര്‍ 150 സംഘം ആണ് പ്രചരിപ്പിക്കാനുള്ള ട്വീറ്റുകള്‍ നിര്‍മ്മിക്കുന്നത്. ധൃുവ്: അപ്പോള്‍ അവര്‍ക്ക് താഴെയുള്ള അംഗങ്ങള്‍ക്ക് ആ ട്വീറ്റുകള്‍ കോപ്പീ പേസ്റ്റ്
ചെയ്ത് ശരിയായ സമയത്ത് പ്രചരിപ്പിക്കണം അല്ലേ?

മഹാവീര്‍: അതേ. അങ്ങനെ പകര്‍ത്തുമ്പോള്‍ ചിലപ്പോള്‍ അവര്‍ അവരുടെ സ്വന്തം അഭിപ്രായവും അതിന്റെ കൂടെ ചേര്‍ക്കും. എന്നിരുന്നാലും പ്രധാന ഉള്ളടക്കമാണ് പ്രചരിപ്പിക്കപ്പെടുന്നത്.

….

Dhruv Rathee

Advertisements