വടക്കന്‍ അക്ഷാംശത്തില്‍ കൂടുതല്‍ ചെടികളും, വളര്‍ച്ചയുടെ ദൈര്‍ഘ്യമുള്ള കാലവും അലാസ്ക, ക്യാനഡ, സൈബീരിയ എന്നിവിടങ്ങളിലെ ചില ഭാഗങ്ങളെ പച്ചയുടെ ആഴമുള്ള shades ലേക്ക് മാറ്റി. ആര്‍ക്ടിക്കിലെ ഈ ഹരിതവല്‍ക്കരണം കൂടുതല്‍ ആഗോള കാര്‍ബണ്‍ സ്വീകരണവുമായാണ് ചില പഠനങ്ങള്‍ പറയുന്നത്. പുതിയ പഠനം അനുസരിച്ച്, ഭൂമിയിലെ കാലാവസ്ഥ മാറുന്നതിനനുസരിച്ച് ആര്‍ക്ടിക്കിലെ ചെടികള്‍ കാര്‍ബണ്‍ സ്വീകരിക്കുന്നത് വര്‍ദ്ധിക്കുമ്പോള്‍ അതിന് വിരുദ്ധമായി ഉഷ്ണമേഖലയില്‍ തുല്യമായ കുറവും സംഭവിക്കുന്നു എന്ന് കണ്ടെത്തി.
തണുപ്പിന്റെ ദീര്‍ഘകാലം ആര്‍ക്ടിക്കിലെ ചെടികളുടെ ഉത്പാദനക്ഷമതയെ പരിമിതപ്പെടുത്തുന്നു. താപനില കൂടുന്നതിനനുസരിച്ച് ഈ പ്രദേശത്തെ ചെയികള്‍ കൂടുതല്‍ സാന്ദ്രതയില്‍ വളരും. വളരുന്ന സീസണും വര്‍ദ്ധിച്ചു. അങ്ങനെ ആ പ്രദേശത്ത് കഴിഞ്ഞ 35-വര്‍ഷങ്ങളായി പ്രകാശ സംശ്ലേഷണ പ്രവര്‍ത്തനം മൊത്തത്തില്‍ വര്‍ദ്ധിക്കുകയും അതിന്റ ഫലമായി കൂടുതല്‍ കാര്‍ബണ്‍ സംഭരിക്കപ്പെട്ടു.
എന്നിരുന്നാലും അന്തരീക്ഷത്തിലെ കാര്‍ബണിന്റെ സാന്ദ്രതയുടെ നിര്‍മ്മിതിക്ക് വേറെയും പല ഓള (rippling) ഫലങ്ങളുണ്ട്. കാര്‍ബണ്‍ വര്‍ദ്ധിക്കുന്നതോടെ ആഗോള താപനിലയും വര്‍ദ്ധിക്കുന്നു. ഉഷ്ണമേഖലയിലെ അന്തരീക്ഷം കൂടുതല്‍ വരണ്ടതായി മാറുന്നു. ജല ലഭ്യത ചെടികളുടെ വളര്‍ച്ചക്ക് ഒരു പരിമിതിയാണ് ഇവിടെ. ആമസോണ്‍ മഴക്കാടുകളിലെ അടുത്തകാലത്ത് വര്‍ദ്ധിക്കുന്ന വരള്‍ച്ചയും മരങ്ങളുടെ നാശവും ഇതിന്റെ ഒരു ഉദാഹരണമാണ്. ആര്‍ക്ടിക്ക് പച്ചയായി മാറുന്ന അതേ സമയത്ത് തന്നെ ഭൂമദ്ധ്യ രേഖക്ക് സമീപമുള്ള പ്രദേശങ്ങളിലെ ഉത്പാദനക്ഷമതയും കാര്‍ബണ്‍ സംഭരണവും താഴുകയാണ്. ആഗോള ഉത്പാദനക്ഷമതയുടെ മൊത്തം ഫലം അതിനാല്‍ റദ്ദാക്കപ്പെടും.
— സ്രോതസ്സ് nasa.gov | Dec 18, 2020
Nullius in verba
ആരുടേയും വാക്ക് വിശ്വസിക്കരുത്
ലാഭേച്ഛയില്ലാതെ പ്രവര്‍ത്തിക്കുന്ന ഒരു സ്വതന്ത്ര ജനകീയ മാധ്യമമാണ് നേരിടം. ഈ പ്രവര്‍ത്തനത്തില്‍ താങ്കളുടെ സഹായവും ആവശ്യമുണ്ട്. അതിനാല്‍ ഈ ജനകീയ മാധ്യമത്തിന്റെ നിലനില്‍പ്പ് ആഗ്രഹിക്കുന്ന താങ്കള്‍ കഴിയുന്ന രീതിയില്‍ പങ്കാളികളാവുക.
To read post in English:
in the URL, after neritam. append wordpress. and then press enter key.
