ഇന്‍ഡ്യയുടെ വലിപ്പത്തിലുള്ള ധൃവ മഞ്ഞ് ഉയര്‍ന്ന താപനില കാരണം അപ്രത്യക്ഷമായി

ഉയര്‍ന്ന താപനില കാരണം ഈ വര്‍ഷം അന്റാര്‍ക്ടിക്കയിലേയും ആര്‍ക്ടിക്കിലേയും കടല്‍ മഞ്ഞ് ഏറ്റവും കുറഞ്ഞ നിലയിലെത്തി എന്ന് കാലാവസ്ഥാ ശാസ്ത്രജ്ഞര്‍ പറയുന്നു. ആര്‍ക്ടിക്കിലെ ചില പ്രദേശങ്ങളില്‍ താപനില സാധാരണ നവംബറില്‍ കാണുന്നതിനേക്കാള്‍ 20 ഡിഗ്രി കൂടുതല്‍ ആണ് രേഖപ്പെടുത്തിയത്. “അവിടെ എന്തോ ഭ്രാന്തന്‍ കാര്യം നടക്കുന്നു” എന്ന് കൊളറാഡോയിലെ U.S. National Snow and Ice Data Center (NSIDC) ന്റെ ഡയറക്റ്ററായ Mark Serreze പറഞ്ഞു. ലോകം മൊത്തം ഏറ്റവും താപനിലയുണ്ടായ വര്‍ഷമാണ് ഇത്. 1981-2010 കാലത്തെ ശരാശരിയെക്കാള്‍ 38.4 ലക്ഷം ചതുരശ്ര കിലോമീറ്റര്‍ കുറവാണ് എന്ന് NSIDC യുടെ ഉപഗ്രഹ കണക്കുകള്‍ കാണിക്കുന്നു. ഇന്‍ഡ്യയുടെ വലിപ്പത്തിന് അടുത്ത് വരും ഇത്.

— സ്രോതസ്സ് scientificamerican.com