ഞാന്‍ എന്തുകൊണ്ട് ലാപ്‌ടോപ്പ് കമ്പ്യൂട്ടര്‍ ഉപയോഗിക്കുന്നില്ല

1995 മുതല്‍ ഞാന്‍ കമ്പ്യൂട്ടര്‍ ഉപയോഗിക്കുന്നുണ്ട്. എന്നാല്‍ ഇതുവരെ എനിക്ക് ഒരു ലാപ്‌ടോപ്പ് കമ്പ്യൂട്ടര്‍ ഇല്ല. എനിക്ക് ചിലപ്പോള്‍ യാത്ര ചെയ്യേണ്ടതായി വരാറുണ്ടെങ്കിലും ലാപ്ടോപ്പില്ലാതെ മുന്നോട്ട് പോകാനായിട്ടുണ്ട്.

എന്താണ് ലാപ്ടോപ്പിന്റെ കുഴപ്പം? അത് തികച്ചും വ്യക്തിനിഷ്ടമാണ്. താങ്കളുടെ ഉപയോഗത്തെ കൊച്ചാക്കാനോ താങ്കളെ മോശക്കാരനാക്കാനോ അല്ല ഇത് എഴുതുന്നത്. എന്റെ വീക്ഷണം വ്യക്തമാക്കുക മാത്രമാണിവിടെ.

  1. ലാപ്ട്പോപ്പിന് വില കൂടുതലാണ്. ഒരു ലാപ്ടോപ്പിന്റെ അതേ വിലക്ക് അതേ configuration ഉള്ള രണ്ട് ഡസ്ക്ടോപ്പ് വാങ്ങാനാകും.
  2. ഡസ്ക്ടോപ്പില്‍ നിങ്ങള്‍ക്ക് നിങ്ങള്‍ക്കിഷ്ടമുള്ള ഹാര്‍ഡ്‌വെയര്‍ ഘടകങ്ങള്‍ തെരഞ്ഞെടുക്കാം. പക്ഷേ ലാപ്ടോപ്പില്‍ അവര്‍ തരുന്നത് വാങ്ങേണ്ടി വരും.
  3. ലാപ്ട്പോപ്പ് ഘടകങ്ങള്‍ക്ക് വില കൂടുതലാണ്. ഡസ്ക്ടോപ്പ് ഘടകങ്ങള്‍ക്ക് വില കുറവാണ്.
  4. നിങ്ങള്‍ക്ക് തന്നെ ഡസ്ക്ടോപ്പിന്റെ മിക്ക അഴിച്ചുപണികളും നടത്താനാകും.
  5. ഡസ്ക്ടോപ്പില്‍ കൂടുതല്‍ സ്ഥലമുണ്ടാകും അതിനാല്‍ അതിന്റെ configuration കൂട്ടാന്‍ സൌകര്യമാണ്.
  6. ലാപ്ട്പോപ്പിന് കുറഞ്ഞ ആയുസേയുള്ളു. അവക്ക് കൂടുതല്‍ പരിപാലനം ആവശ്യമുണ്ട്. ഞാന്‍ ഇപ്പോഴും 7 വര്‍ഷം പഴകിയ ഡസ്ക്ടോപ്പാണ് ഉപയോഗിക്കുന്നത്. ഒരണ്ണം 10 വര്‍ഷം പഴകിയതാണ്.
  7. ലാപ്ട്പോപ്പ് ഒരു അധിക ലഗ്ഗേജാണ്. എവിടെ പോകുമ്പോഴും നിങ്ങള്‍ക്ക് അതുമായി യാത്ര ചെയ്യേണ്ടിവരുന്നു.
  8. ലാപ്ട്പോപ്പിന് കൂടുതല്‍ സംരക്ഷണം ആവശ്യമുണ്ട്. അതുമായി യാത്രചെയ്യുമ്പോള്‍ നിങ്ങള്‍ക്ക് സമാധാനമായി ഉറങ്ങാനാകില്ല. മോഷണത്തേക്കുറിച്ചുള്ള പേടി എപ്പോഴും ഉണ്ടാകും.
  9. ലാപ്ട്പോപ്പിന് കൂടുതല്‍ embedded enegy ഉണ്ട്. അതുകൊണ്ട് അത് കൂടുതല്‍ മലിനീകരണത്തിന് കാരണമാകുന്നു.
  10. ലാപ്ട്പോപ്പിന് കൂടുതല്‍ പരസ്യം മാധ്യമങ്ങളില്‍ വരുന്നു. അതുകൊണ്ട് ആ ചിലവും ഉപഭോക്താവിന് വഹിക്കണം.
  11. ലാപ്ട്പോപ്പ് ഒരു കോര്‍പ്പറേറ്റിന്റെ ഉല്‍പ്പന്നമാകും. അതായത് കൂടുതല്‍ കേന്ദ്രീകരണം. എന്നാല്‍ ഡസ്ക്ടോപ്പുകളുടെ ധാരാളം ഭാഗങ്ങള്‍ പ്രാദേശികമായവയാണ്. അതിനാല്‍ സമ്പത്ത് കൂടുതല്‍ വിതരണം ചെയ്യപ്പെടുന്നു. ഉപഭോക്താക്കള്‍ക്ക് കൂടുതല്‍ അധികാരം കിട്ടുന്നു.
  12. ലാപ്ട്പോപ്പ് ഒരാളുടെ സ്വകാര്യ ഉപയോഗത്തിനായി എന്ന ലക്ഷ്യത്തോടെ നിര്‍മ്മിച്ചതാണ്. ഡസ്ക്ടോപ്പ് പങ്കുവെക്കുന്ന ഉപയോഗം
  13. ലാപ്ട്പോപ്പ് രഹസ്യാന്വേഷണത്തെ സഹായിക്കുന്നതാണ്. നിങ്ങളുടെ എല്ലാ ആശയവിനിമയവും നടക്കുന്നത് ഒരു ഉപകരണത്തില്‍ നിന്നാണതില്‍. ഡസ്ക്ടോപ്പ് കൊണ്ടുനടക്കാനാകാത്തതിനാല്‍ നിങ്ങള്‍ പല സ്ഥലത്തെ പല കമ്പ്യൂട്ടറുകള്‍ നിന്ന് ആശയവിനിമയം നടത്തുന്നത് വഴി വല്യമ്മാവന് അമിത ജോലിയുണ്ടാവും. അയാള്‍ അതിനായി കൂടുതല്‍ പണം ചിലവാക്കട്ടേ.
  14. ലാപ്ട്പോപ്പ് ഉപയോഗിക്കുന്ന മിക്ക ആളുകളും അത് സിനിമ കാണാനോ വിനോദത്തിനോ ആണ് ഉപയോഗിക്കുന്നത്. അതുകൊണ്ട് അത് വിലകുറഞ്ഞ ഉപയോഗത്തിന്റെ പ്രതീകമാണ്.
  15. ലാപ്ട്പോപ്പുകള്‍ അധികാരത്തിന്റേയും സമ്പത്തിന്റെ പ്രദര്‍ശനവസ്തുവാണ്. അതൊരു പൊങ്ങച്ച പ്രകടനമാണ്. നിങ്ങള്‍ക്ക് ആ സ്വഭാവമുണ്ടാകണമെന്നില്ല. പക്ഷെ പൊതുബോധം അതാണ്.

അങ്ങനെ ഒരുപാട് കാര്യങ്ങളുണ്ട് പറയാന്‍ …

ശരിക്കും നമുക്ക് കൊണ്ടുനടക്കാവുന്ന കമ്പ്യൂട്ടര്‍ വേണോ എന്നതാണ് നാം ചോദിക്കേണ്ടത്.
നമുക്ക് നമ്മുടെ schedules ല്‍ മാറ്റം വരുത്താനാകില്ലേ. യാത്ര ചെയ്യുമ്പോള്‍ നമുക്ക് പുസ്തകം വായിക്കാം, പ്രസംഗങ്ങളും വാര്‍ത്തളും മറ്റും കേള്‍ക്കാം. ഓഫീസിലോ വീട്ടിലോ എത്തുമ്പോള്‍ കമ്പ്യൂട്ടര്‍ ഉപയോഗിക്കാം.
എനിക്ക് ഒരു usb pen drive ല്‍ OS installation ഉണ്ട്. യാത്ര ചെയ്യുമ്പോള്‍ അത് കരുതും.
കമ്പ്യൂട്ടറിന്റെ ആവശ്യം വരുമ്പോള്‍ സൈബര്‍ കഫെയിലോ മറ്റോ ചെന്ന് അവരുടെ അനുവാദത്തോടെ എന്റെ usb pen drive കുത്തി അതില്‍ നിന്ന് ബൂട്ട് ചെയ്ത് ജോലി ചെയ്യും.

പ്രതിദിനം ഒരു മണിക്കൂറില്‍ കൂടുതല്‍ കമ്പ്യൂട്ടര്‍ ഉപയോഗിക്കാത്തവര്‍ സ്വന്തമായി കമ്പ്യൂട്ടര്‍ വാങ്ങരുത്. അവര്‍ സൈബര്‍ കഫേ മറ്റോ ഉപയോഗിക്കുക. എന്റെ അഭിപ്രായം മാത്രം പറഞ്ഞന്നേയുള്ളു. പൊതു തത്വം ഒന്നുമല്ല ഇത്. താങ്കള്‍ക്ക് എന്തും ചെയ്യാനുള്ള സ്വാതന്ത്രമുണ്ടല്ലോ. എന്റെ മാറ്റമില്ലാത്ത തീരിമാനവും അല്ല ഇത്.

Nullius in verba


എഴുതിയത്: ജഗദീശ്.എസ്സ്.
 

wordpress.com നല്‍കുന്ന സൌജന്യ സേവനത്താലാണ് ഈ സൈറ്റ് പ്രവര്‍ത്തിക്കുന്നത്. അതിനാല്‍ അവര്‍ പരസ്യങ്ങളും സൈറ്റില്‍ കൂട്ടിച്ചേര്‍ക്കുന്നു. അവരുടെ വരുമാനം അതാണ്. നമുക്ക് ഒന്നും കിട്ടില്ല. നാം പണം അടച്ചാലേ അത് ഒഴുവാക്കാനാവൂ.

ലാഭേച്ഛയില്ലാതെ പ്രവര്‍ത്തിക്കുന്ന ഒരു സ്വതന്ത്ര ജനകീയ മാധ്യമമാണ് നേരിടം. വായനക്കാരില്‍ നിന്ന് ചെറിയ തുകള്‍ ശേഖരിച്ച് പ്രവര്‍ത്തിക്കുന്ന ഞങ്ങള്‍ക്ക് താങ്കളുടെ സഹായം ആവശ്യമാണ്. അതിനാല്‍ ജനകീയ മാധ്യമത്തിന്റെ നിലനില്‍പ്പ് ആഗ്രഹിക്കുന്ന താങ്കള്‍ കഴിയുന്ന രീതിയില്‍ പങ്കാളികളാവുക.

wordpress.com നല്‍കുന്ന സൌജന്യ സേവനത്താലാണ് ഈ സൈറ്റ് പ്രവര്‍ത്തിക്കുന്നത്. അതിനാല്‍ അവര്‍ പരസ്യങ്ങളും സൈറ്റില്‍ കൂട്ടിച്ചേര്‍ക്കുന്നു. അവരുടെ വരുമാനം അതാണ്. നാം പണം അടച്ചാലേ അത് ഒഴുവാക്കാനാവൂ. അതിനാല്‍ ജനകീയ മാധ്യമത്തിന്റെ നിലനില്‍പ്പ് ആഗ്രഹിക്കുന്ന താങ്കള്‍ ദയവ് ചെയ്ത് സഹായിക്കുക.
Advertisements

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out /  മാറ്റുക )

Google photo

You are commenting using your Google account. Log Out /  മാറ്റുക )

Twitter picture

You are commenting using your Twitter account. Log Out /  മാറ്റുക )

Facebook photo

You are commenting using your Facebook account. Log Out /  മാറ്റുക )