കാലിഫോർണിയയിലെ പുതുവർഷം തുടങ്ങിയത് കൊടുംകാറ്റോടു കൂടിയാണ്. ജനുവരി 5 ന് അവിടെ ഒരു ‘അന്തരീക്ഷത്തിലെ നദി’ കാരണം രണ്ട് മരണങ്ങൾ സംഭവിക്കുകയും 1.63 ലക്ഷം ആളുകൾക്ക് വൈദ്യുതി നഷ്ടമാകുകയും ചെയ്തു. അന്തരീക്ഷത്തിലെ നദി എന്നത് ആകാശത്ത് നദി പോലെ കോളുണ്ടാകുന്നതാണ്. അത് വലിയ അളവിൽ മഴ പെയ്യുന്നതിനും വെള്ളപ്പൊക്കത്തിനും മണ്ണിടിച്ചിലിനും കാരണമാകുന്നു. 1990കളിൽ ഗവേഷകർ കൊടുത്ത പേരാണ് അത്. മിസിസിപ്പി നദിയിലെ വെള്ളത്തിന്റെ 15 മടങ്ങ് വെള്ളം ഇത്തരം ആകാശ നദികളിലുണ്ടാകും. വരൾച്ച ബാധിച്ച ഈ സംസ്ഥാനത്ത് പതിക്കുന്ന മൂന്നാമത്തെ അന്തരീക്ഷ നദിയാണിത്. പസഫിക്കിൽ നിന്ന് ഈർപ്പം വലിച്ചെടുത്ത ഒരു ബോംബ് കൊടുകാറ്റിൽ നിന്നാണിത് ഉണ്ടായത്. ചില സ്ഥലങ്ങളിൽ കാറ്റിന്റെ വേഗത മണിക്കൂറിൽ 160 കിലോമീറ്ററിലെത്തി. അടിസ്ഥാന സൗകര്യങ്ങളിൽ വലിയ നാശം ഉണ്ടായി. പല സ്ഥലത്തും ഹൈവേ അടച്ചിട്ടു. അടുത്ത രണ്ട് ആഴ്ചകളിലായി 75 ലക്ഷം കോടി ലിറ്റർ ജലം കാലിഫോർണിയയുടെ മേലെ പതിക്കും എന്ന് കാലാവസ്ഥാ വിദഗ്ദ്ധർ പറയുന്നു.
— സ്രോതസ്സ് downtoearth.org.in | 06 Jan 2023
Nullius in verba
ആരുടേയും വാക്ക് വിശ്വസിക്കരുത്
ലാഭേച്ഛയില്ലാതെ പ്രവര്ത്തിക്കുന്ന ഒരു സ്വതന്ത്ര ജനകീയ മാധ്യമമാണ് നേരിടം. ഈ പ്രവര്ത്തനത്തില് താങ്കളുടെ സഹായവും ആവശ്യമുണ്ട്. അതിനാല് ഈ ജനകീയ മാധ്യമത്തിന്റെ നിലനില്പ്പ് ആഗ്രഹിക്കുന്ന താങ്കള് കഴിയുന്ന രീതിയില് പങ്കാളികളാവുക.
To read post in English:
in the URL, before neritam. append en. and then press enter key.
