പ്രത്യേക തരത്തിലുള്ള infrared sensors ഉപയോഗിച്ച് ഐഫോണ് ക്യാമറകള് പ്രവര്ത്തിക്കാതെയാക്കാനുള്ള സാങ്കേതികവിദ്യ നടപ്പാക്കുമെന്നാണ് പേറ്റന്റ് വിവരങ്ങള് വ്യക്തമാക്കുന്നത്. ന്യായീകരണമായി പറയുന്നത് സംഗീതപരിപാടികളൊക്കെ ആളുകള് വീഡിയയോയില് പകര്ത്തി പ്രസിദ്ധപ്പെടുത്തുന്നത് തടയാനാണെന്നാണ്. ചിത്രങ്ങളോ വീഡിയോകളോ എടുക്കുന്നത് നിരോധിച്ചിരിക്കുന്ന സ്ഥലങ്ങളില് infrared emitter സ്ഥാപിക്കാം. അതില് നിന്ന് വരുന്ന സിഗ്നലുകള് ഫോണുകള് decode ചെയ്ത് അതിന്റെ ക്യാമറകള് താല്ക്കാലികമായി പ്രവര്ത്തിക്കാതെയാക്കുക എന്നതാണ് ഇതുകൊണ്ട് ഉദ്ദേശിക്കുന്നത്.
— സ്രോതസ്സ് theguardian.com
23 ജൂണിന് അമേരിക്കയിലെ പാര്ളമെന്റില് ജനപ്രതിനിധികള് തോക്കുകള് നിരോധിക്കണമെന്ന് പറഞ്ഞ് കുത്തിയിരിപ്പ് സമരം നടത്തി. ലൈവ് വീഡിയോ നല്കിക്കൊണ്ടിരുന്ന ഔദ്യോഗിക ചാനല് അത് ഉടനേ തന്നെ സെന്സര്ചെയ്തു. അപ്പോള് MP മാര് തങ്ങളുടെ സ്വന്തം ഫോണുകളിലെ ക്യാമറ ഉപയോഗിച്ച് സമരത്തിന്റെ വീഡിയോ പ്രക്ഷേപണം ചെയ്തു.
കറുത്തവരെ പോലീസ് പച്ചക്ക് വെടിവെച്ച് കൊല്ലുന്നതിന്റെ ധാരാളം ലൈവ് വീഡിയോകള് കൊല്ലപ്പെടുന്നവര് തന്നെ പ്രസിദ്ധപ്പെടുത്തുണ്ട്. അതും അധികാരികള്ക്ക് തലവേദനയാണ്.
ഓരോ സാങ്കേതികവിദ്യകളും വരുമ്പോള് അത് ആനയാണ് ചേനയാണ് ജനാധിപത്യമാണ്, വിപ്ലവമാണെന്നൊക്കെ പറയുന്നവര് മനസിലാക്കുക, എപ്പോഴൊക്കെ പുതിയ കാര്യങ്ങള് അധികാരികളുടെ കണ്ണിലെ കരടായിവരുന്നുവോ അപ്പോഴുടനേ തന്നെ അത് അവര് ഇല്ലാതാക്കും.
