ലോകത്തെ ഏറ്റവും വലിയ കുപ്പിവെള്ള കമ്പനിയായ Nestlé ക്ക് സംസ്ഥാനത്തെ പ്രവര്ത്തനം വിപുലീകരിക്കാനുള്ള വിവാദപരമായ അനുമതി മിഷിഗണ് സംസ്ഥാനം അംഗീകാരം കൊടുത്തു. മിനിട്ടില് 1514 ലിറ്റര് എന്ന തോതില് സംസ്ഥാനത്തെ ഭൂഗര്ഭ ജലം പമ്പ് ചെയ്തെടുക്കാനുള്ള അനുമതി മിഷിഗണിന്റെ Department of Environmental Quality ആണ് കൊടുത്തത്. ഈ പദ്ധതിക്കെതിരെ 80,000 ല് അധികം പേര് പരാതി കൊടുത്തിരുന്നു. ചെറിയ ഒരു പെര്മ്മിറ്റ് ഫീസും സ്വകാര്യ ഭൂഉടമക്ക് കൊടുക്കേണ്ട വാടകയും അല്ലാതെ വെള്ളമെടുക്കുന്നതിന് നെസ്റ്റ്ലെ ഒരു പ്രതിഫലവും കൊടുക്കേണ്ടതില്ല. ഒരു കണക്ക് പ്രകാരം നെസ്റ്റ്ലെയുടെ കുപ്പിവെള്ളത്തിന് നെസ്റ്റ്ലെ ചിലവാക്കുന്ന പണത്തേക്കാള് 7,000 മടങ്ങ് അധികം വിലയാണ് ഈടാക്കുന്നത്. മിഷിഗണിലെ ഫ്ലിന്റ് പോലുള്ള നഗരങ്ങളില് ഇപ്പോഴും മലിന കുടിവെള്ള പ്രശ്നം നേരിടുമ്പോള് സംസ്ഥാനത്തെ പ്രകൃതി വിഭവങ്ങളില് നിന്ന് ലാഭം കൊയ്യാന് നെസ്റ്റ്ലെ അനുവദിക്കരുത് എന്ന് വിമര്ശകര് പറയുന്നു.
— സ്രോതസ്സ് democracynow.org
Nullius in verba
ആരുടേയും വാക്ക് വിശ്വസിക്കരുത്
ലാഭേച്ഛയില്ലാതെ പ്രവര്ത്തിക്കുന്ന ഒരു സ്വതന്ത്ര ജനകീയ മാധ്യമമാണ് നേരിടം. ഈ പ്രവര്ത്തനത്തില് താങ്കളുടെ സഹായവും ആവശ്യമുണ്ട്. അതിനാല് ഈ ജനകീയ മാധ്യമത്തിന്റെ നിലനില്പ്പ് ആഗ്രഹിക്കുന്ന താങ്കള് കഴിയുന്ന രീതിയില് പങ്കാളികളാവുക.
To read post in English:
in the URL, before neritam. append en. and then press enter key.
