National Security Agency ല്‍ നിന്ന് വിവരങ്ങള്‍ ചോര്‍ത്തിയ എഡ്വേര്‍ഡ് സ്നോഡന് ഉപയോഗിച്ചിരുന്നത് എന്ന് കരുതുന്ന encrypted ഇമെയില്‍ സേവനം കഴിഞ്ഞ ദിവസം ആകസ്മികമായി അടച്ചുപൂട്ടി. ഉപയോക്താക്കളുടെ വിവരങ്ങള്‍ വേണമെന്ന ആവശ്യവുമായി അമേരിക്കന്‍ സര്‍ക്കാര്‍ നടക്കുന്ന ഒരു നിയമ യുദ്ധത്തിനിടക്കാണിത്. Lavabit ന്റെ ഉടമസ്ഥനായ Ladar Levison പറഞ്ഞു, “അമേരിക്കന്‍ ജനങ്ങള്‍ക്കെതിരായ കുറ്റം ചെയ്യണോ അതോ Lavabit അടച്ചുപൂട്ടിക്കൊണ്ട് 10 വര്‍ഷത്തെ അദ്ധ്വാനം ഉപേക്ഷിക്കുക എന്ന വിഷയത്തില്‍ വിഷമകരമായ തീരുമാനം എടുക്കാന്‍ ഞാന്‍ നിര്‍ബന്ധിതനായിരിക്കുകയാണ്.” ഈ തീരുമാനത്തിലെത്തിയ കാര്യങ്ങളെക്കുറിച്ച് അദ്ദേഹം പുറത്ത് പറയാന്‍ പാടില്ല എന്ന ഒരു ഉത്തരവും ഉണ്ട്. “വളരെ പ്രധാനപ്പെട്ട ഒരു കാര്യം ഈ അനുഭവം എന്നെ പഠിപ്പിച്ചു, കോണ്‍ഗ്രസിന്റെ പ്രവര്‍ത്തിയോ ശക്തമായ കോടതി പ്രമാണം ഇല്ലാതെയോ അമേരിക്കയുമായി ഭൌതികമായ ബന്ധമുള്ള കമ്പനികള്‍ക്ക് സ്വന്തം സ്വകാര്യ വിവരങ്ങള്‍ നല്‍കുന്നതിനെതിരെ ഞാന്‍ ശക്തമായി ശുപാര്‍ശ ചെയ്യുന്നു,” അദ്ദേഹം കൂട്ടിച്ചേര്‍ത്തു. Silent Circle എന്ന മറ്റൊരു secure ഇമെയില്‍ സേവന ദാദക്കളും കഴിഞ്ഞ ദിവസം തങ്ങളുടെ പ്രവര്‍ത്തനം നിര്‍ത്തി.
2013
Nullius in verba
ആരുടേയും വാക്ക് വിശ്വസിക്കരുത്
ലാഭേച്ഛയില്ലാതെ പ്രവര്‍ത്തിക്കുന്ന ഒരു സ്വതന്ത്ര ജനകീയ മാധ്യമമാണ് നേരിടം. ഈ പ്രവര്‍ത്തനത്തില്‍ താങ്കളുടെ സഹായവും ആവശ്യമുണ്ട്. അതിനാല്‍ ഈ ജനകീയ മാധ്യമത്തിന്റെ നിലനില്‍പ്പ് ആഗ്രഹിക്കുന്ന താങ്കള്‍ കഴിയുന്ന രീതിയില്‍ പങ്കാളികളാവുക.
To read post in English:
in the URL, after neritam. append wordpress. and then press enter key.
