ബംഗ്ലാദേശ്, പാകിസ്ഥാന്, അഫ്ഗാനിസ്ഥാന് എന്നിവിടങ്ങളില് 3 കോടിയിലധികം ഹിന്ദുക്കളുണ്ട്. അവരില് പകുതി പോലും ഇവിടെ എത്തിയാല് അവര്ക്ക് ആര് തൊഴില് നല്കും? അവരെ എവിടെ താമസിപ്പിക്കും? ഇവിടെയുള്ളവര്ക്ക് പോലും തൊഴില് കൊടുക്കാനാകുന്നില്ല. പാകിസ്ഥാനി, അഫ്ഗാനിസ്ഥാനി, ബംഗ്ലാദേശികള്ക്ക് ജോലികൊടുക്കുന്നതിനെക്കുറിച്ചാണോ നിങ്ങള് ആലോചിക്കുന്നത്? സ്വന്തം കുട്ടികള്ക്ക് ജോലി വേണ്ടേ?
അവര്ക്ക് രേഖകളൊന്നുമില്ലല്ലോ. അവര്ക്ക് ആര് രേഖകള് നല്കും? ഭാരത സര്ക്കാര് കൊടുക്കും, അല്ലേ? പാകിസ്ഥാനി, അഫ്ഗാനിസ്ഥാനില് നിന്നുമൊക്കെ വരുന്നവര്ക്ക് ഭാരത സര്ക്കാര് രേഖകളുണ്ടാക്കിക്കൊടുക്കും. ഇവിടെയുള്ളവരെ രേഖയില്ലാത്തതിന് പുറത്താക്കും. ഇതാണോ? രാജ്യം സാമ്പത്തിക തകര്ച്ചയിലൂടെ കടന്ന് പോകുന്ന സമയത്ത് ഇതാണോ ചെയ്യേണ്ടത്? രാജ്യത്തിന് തീ കൊടുക്കേണ്ട എന്ത് കാര്യമാണുള്ളത്. കുട്ടികളെ ഹോസ്റ്റലില് കയറി തല്ലുന്നു. ഈ നിയമത്തിന്റെ യുക്തി തന്നെ എനിക്ക് മനസിലാകുന്നില്ല. ആരുടെ ഗുണത്തിനാണ് ഇത് ചെയ്യുന്നത്? പാകിസ്ഥാനി, അഫ്ഗാനിസ്ഥാനികള്ക്കും വേണ്ടിയോ.
അമിത്ഷാ പറയുന്നു, ഹിന്ദുവായാലും മുസ്ലീമായാലും ആരുടെ കൈവശം രേഖകളില്ലയോ അവരെല്ലാം രാജ്യത്തിന് പുറത്താകുമെന്ന്. ദരിദ്രരുടെ കൈവശം രേഖകളൊന്നും ഉണ്ടാകില്ല. പണക്കാര് കാശുകൊടുത്ത് രേഖകളുണ്ടാക്കും. നോട്ട് നിരോധനം നടത്തിയപ്പോഴും പറഞ്ഞു പണക്കാരുടെ കള്ളപ്പണം ഇല്ലാതാകുമെന്ന്. പക്ഷെ പണക്കാര് കമ്മീഷന് കൊടുത്ത് പണം വെളുപ്പിച്ചു. ദരിദ്രരാണ് കഷ്ടപ്പെട്ടത്.
ഈ നിയമം പിന്വലിച്ച്, എല്ലാ മുഖ്യമന്ത്രിമാരേയും വിദഗ്ദ്ധരേയും വിളിച്ച് കൂട്ടി രാജ്യത്ത് തൊഴിലില്ലായ്മ എങ്ങനെ ഇല്ലാതാക്കാം. വിലക്കയറ്റം എങ്ങനെ ഇല്ലാതാക്കാം സാമ്പത്തിക മാന്ദ്യം എങ്ങനെ ഇല്ലാതാക്കാം എന്ന കാര്യത്തില് ചര്ച്ച ചെയ്യൂ.
Nullius in verba
ആരുടേയും വാക്ക് വിശ്വസിക്കരുത്
ലാഭേച്ഛയില്ലാതെ പ്രവര്ത്തിക്കുന്ന ഒരു സ്വതന്ത്ര ജനകീയ മാധ്യമമാണ് നേരിടം. ഈ പ്രവര്ത്തനത്തില് താങ്കളുടെ സഹായവും ആവശ്യമുണ്ട്. അതിനാല് ഈ ജനകീയ മാധ്യമത്തിന്റെ നിലനില്പ്പ് ആഗ്രഹിക്കുന്ന താങ്കള് കഴിയുന്ന രീതിയില് പങ്കാളികളാവുക.
To read post in English:
in the URL, before neritam. append en. and then press enter key.
