20 വര്‍ഷത്തെ യുദ്ധത്തിനും അധിനിവേശത്തിനും ശേഷം അമേരിക്കയുടെ സൈന്യം അഫ്ഗാനിസ്ഥാനില്‍ നിന്ന് പിന്‍മാറ്റം തുടരുന്നതിന്റെ ഇടക്ക് അഫ്ഗാന്‍ പ്രദേശത്തിന്റെ കൂടുതല്‍ ഭാഗവും തങ്ങളുടെ നിയന്ത്രണത്തിലാണെന്ന് താലിബാന്‍ പറയുന്നു. Tajikistan അതിര്‍ത്തിയുടെ മൂന്നില്‍ രണ്ടും അവര്‍ നിയന്ത്രിക്കുന്നു. മുമ്പത്തെ പ്രസിഡന്റായ ജോര്‍ജ് W. ബുഷ് അമേരിക്കന്‍ നയങ്ങളുടെ അപൂര്‍വ്വമായ ഒരു വിമര്‍ശനം ഉന്നയിച്ചു. “അഫ്ഗാന്‍ സ്ത്രീകളും പെണ്‍കുട്ടികളും പറയാന്‍ പറ്റാത്ത അത്ര ദോഷം സഹിക്കേണ്ടിവരമോ എന്ന് ഞാന്‍ ഭയപ്പെടുന്നു,” എന്നാണ് ബുഷ് പറഞ്ഞത്. എന്നാല്‍ അമേരിക്കയുടെ സൈനിക ലക്ഷ്യങ്ങള്‍ക്ക് രാജ്യത്തെ സ്ത്രീകളുടെ അവസ്ഥ എല്ലാ കാലത്തും “നല്ല ഒരു ന്യായീകരണം” ആണ് എന്ന് പ്രമുഖ അഫ്ഗാന്‍ സ്ത്രീ അവകാശ പ്രവര്‍ത്തക പറയുന്നു. എന്നാല്‍ സ്ത്രീകളുടെ അവസ്ഥ ഒരിക്കലും മെച്ചപ്പെട്ടിട്ടില്ല. “ദൌര്‍ഭാഗ്യവശാല്‍ വരട്ട് ചട്ടിയില്‍ നിന്ന് തീയിലേക്ക് അവര്‍ ഞങ്ങളെ തള്ളിയിടുകയായിരുന്നു. താലിബാന്റെ കിരാത ഭരണത്തില്‍ നിന്ന് പുരുഷാധിപത്യക്കാരായ യുദ്ധപ്രഭുക്കന്‍മാരുടെ കിരാത ഭരണത്തിലേക്ക് തള്ളിയിട്ടു,” എന്ന് മലാലൈ ജോയ പറയുന്നു. 2005 ല്‍ അഫ്ഗാന്‍ പാര്‍ളമെന്റിലേക്ക് തെരഞ്ഞെടുക്കപ്പെട്ട ഏറ്റവും പ്രായം കുറഞ്ഞ വ്യക്തിയായിരുന്നു Malalai Joya. ദശാബ്ദങ്ങളായുള്ള അമേരിക്കയുടെ അധിനിവേശം അഫ്ഗാനിലെ ജനത്തിന് ഒന്നും നേടിക്കൊടുത്തില്ല എന്നും “ഒരു രാജ്യത്തിനും മറ്റൊരു രാജ്യത്തെ വിമോചിപ്പിക്കാനാവില്ല,” എന്നും അവര്‍ പറയുന്നു.
— സ്രോതസ്സ് democracynow.org | Jul 15, 2021
Nullius in verba
ആരുടേയും വാക്ക് വിശ്വസിക്കരുത്
ലാഭേച്ഛയില്ലാതെ പ്രവര്‍ത്തിക്കുന്ന ഒരു സ്വതന്ത്ര ജനകീയ മാധ്യമമാണ് നേരിടം. ഈ പ്രവര്‍ത്തനത്തില്‍ താങ്കളുടെ സഹായവും ആവശ്യമുണ്ട്. അതിനാല്‍ ഈ ജനകീയ മാധ്യമത്തിന്റെ നിലനില്‍പ്പ് ആഗ്രഹിക്കുന്ന താങ്കള്‍ കഴിയുന്ന രീതിയില്‍ പങ്കാളികളാവുക.
To read post in English:
in the URL, after neritam. append wordpress. and then press enter key.
