[ഇവര്‍ ഫലത്തില്‍ ബിജെപിയുടെ ബീ ടീമാണ്. സാമ്രാജ്യത്വവാദമാണ് അവരുടെ അടിത്തറ]
Joseph Vadakkan
സഹോദരന്‍ അയ്യപ്പന്‍ യുക്തിവാദിയോ?
From Close Quarters: കേരളത്തിലെ യുക്തിവാദി പ്രസ്ഥാനത്തിന്റെ ശില്‍പ്പി എന്ന നിലയില്‍ SNDP നേതാവായിരുന്ന സഹോദരന്‍ അയ്യപ്പനെ പരിഗണിക്കുന്നത് ശരിയല്ലെന്ന് ജോസഫ് വടക്കന്‍. അയ്യപ്പന്‍ യുക്തിവാദിയോ നാസ്തികനോ ആയിരുന്നില്ല. ജാതിക്കെതിരെ പന്തിഭോജനം നടത്തിയ അയ്യപ്പന്‍ പിന്നീട് ജാതിവാദിയായി മാറി. ജാതി ചോദിക്കരുത്-പറയരുത്-ചിന്തിക്കരുത് എന്ന ശ്രീനാരായണീയ മുദ്രാവാക്യം തിരുത്തി ജാതി ചോദിക്കണം-പറയണം-ചിന്തിക്കണം എന്നാക്കി മാറ്റുകയാണ് അയ്യപ്പന്‍ ചെയ്തത്. ഒരുപക്ഷെ ‘ജാതി ചിന്തിക്കണം’ എന്ന് ആഹ്വാനം ചെയ്ത ഇന്ത്യയിലെ ഏക രാഷ്ട്രീയനേതാവ് സഹോദരന്‍ അയ്യപ്പനായിരിക്കും. ശ്രീനാരായണഗുരുവിനെ തിരുത്തികൊണ്ട്‌ ജാതി വേണ്ട-മതം വേണ്ട-ദൈവം വേണ്ട എന്ന മറ്റൊരു മുദ്രാവാക്യവും ഉയര്‍ത്തിയ അയ്യപ്പന്‍ സ്വജീവിതത്തില്‍ ജാതിയേയും ദൈവത്തേയും മതത്തേയും തള്ളിപ്പറയാന്‍ തയ്യാറായില്ല. യുക്തിവാദി സംഘടനകളിലൊന്നും അയ്യപ്പന്‍ ഉണ്ടായിരുന്നില്ല. ജാതിസംവരണ സീറ്റില്‍ നിന്നും തിരഞ്ഞെടുക്കപെട്ട അയ്യപ്പന്‍ ആചാരപൂര്‍വം ക്ഷേത്രശിലാസ്ഥാപനം നടത്തിയിട്ടുണ്ട്‌. സയന്‍സിനെ ‘തൊഴാന്‍’ കല്‍പ്പിച്ച അയ്യപ്പന്‍ ശാസ്ത്രവിരുദ്ധനായിരുന്നുവെന്ന് അദ്ദേഹത്തിന്റെ ജ്യോതിഷവിശ്വാസം തെളിയിക്കുന്നു. യുക്തിവാദത്തെ പിന്തുണയ്ക്കുന്ന ഒരു ലേഖനമോ പ്രസംഗമോ അയ്യപ്പന്റേതായിട്ടില്ല. ഇങ്ങനെയൊരാളെ കേരളത്തിലെ യുക്തിവാദവുമായി കൂട്ടിവായിക്കുന്നത് വിചിത്രമാണ്-ജോസഫ് വടക്കന്‍ പറയുന്നു.
Nullius in verba
ആരുടേയും വാക്ക് വിശ്വസിക്കരുത്
ലാഭേച്ഛയില്ലാതെ പ്രവര്‍ത്തിക്കുന്ന ഒരു സ്വതന്ത്ര ജനകീയ മാധ്യമമാണ് നേരിടം. ഈ പ്രവര്‍ത്തനത്തില്‍ താങ്കളുടെ സഹായവും ആവശ്യമുണ്ട്. അതിനാല്‍ ഈ ജനകീയ മാധ്യമത്തിന്റെ നിലനില്‍പ്പ് ആഗ്രഹിക്കുന്ന താങ്കള്‍ കഴിയുന്ന രീതിയില്‍ പങ്കാളികളാവുക.
To read post in English:
in the URL, after neritam. append wordpress. and then press enter key.
