നവംബര് 19, 2022 ന് റിസര്വ്വ് ബാങ്ക് പുറത്തുവിട്ട രേഖകളുടെ അടിസ്ഥാനത്തില് മദ്ധ്യപ്രദേശ്, ഗുജറാത്ത്, ത്രിപുര എന്നീ സംസ്ഥാനങ്ങള് ആണ് സാധനങ്ങളുടേയും ആഹാരത്തിന്റെ വിലക്കയറ്റ കാലത്തും തൊഴിലാളികള്ക്ക് ഏറ്റവും കുറവ് കൂലി കൊടുക്കുന്നത്. കേന്ദ്ര ബാങ്കിന്റെ കണക്ക് പ്രകാരം നിര്മ്മാണം, കൃഷി, horticulture, കാര്ഷികേതര വിഭാഗങ്ങള് ഉള്പ്പടെയുള്ള എല്ലാത്തരം വിഭാഗങ്ങളിലേയും തൊഴിലാളികള്ക്കുള്ള ദേശീയ ശരാശരിയേക്കാള് താഴെയാണ് ഈ സംസ്ഥാനങ്ങളിലെ ദിവസക്കൂലി. മദ്ധ്യപ്രദേശിലേയും, ഗുജറാത്തിലേയും പുരുഷ കര്ഷക തൊഴിലാളികളുടെ ദിവസക്കൂലി Rs 217.8 ഉം Rs 220.3 ഉം ആണ്. ഈ സംസ്ഥാനങ്ങള്ക്ക് പിറകില് ആയി ഒഡീസ, ത്രിപുര, ഉത്തര് പ്രദേശ്, മഹാരാഷ്ട്ര, ബീഹാര് വരുന്നു. കേരളത്തിലാണ് ഏറ്റവും കൂടുതല് കൂലി — Rs 726.8. അതിന് പിറകില് Rs 524.6 രൂപയുമായി ജമ്മു കാശ്മീര് വരുന്നു. ഹിമാചല് പ്രദേശില് Rs 457.6 തമിഴ് നാട്ടില് Rs 445.6. 2021-22 ലെ പുതിയ വിവരങ്ങളാണ്. കര്ഷക തൊഴിലാളിയുടെ ദിവസ വേതനത്തിന്റെ ദേശീയ ശരാശരി Rs 323.32 ആണ്.
നിര്മ്മാണത്തൊഴിലാളികളുടെ ശമ്പളത്തിലും അതേ ഗതിയാണുള്ളത്. ത്രിപുര, മദ്ധ്യപ്രദേശ്, ഗുജറാത്ത് എന്നിവിടങ്ങളിലെ തൊഴിലാളികള്ക്ക് Rs 250, Rs 266.7, Rs 295.9 വീതമാണ് കിട്ടുന്നത്. എന്നാല് അവരുടെ കേരളത്തിലെ സഹപ്രവര്ത്തകര്ക്ക് Rs 837.7 രൂപ കിട്ടി. ജമ്മു കാശ്മീരും തമിഴ് നാടുമാണ് പിന്നെ കൂടുതല് കൂലി കൊടുക്കുന്ന സംസ്ഥാനങ്ങള്.
അതില് കൂടുതലായി ഗോതമ്പിന്റേയും അരിയുടേയും കയറ്റുമതി നിയന്ത്രണം സര്ക്കാര് കൊണ്ടുവന്നിട്ടും ധാന്യങ്ങളുടെ വില ഒക്റ്റോബര് 2022 ല് തുടര്ന്നും വര്ദ്ധിച്ചു. കഴിഞ്ഞ 9 വര്ഷത്തിലേക്കും ഏറ്റവും കൂടിയ നിലയിലാണ് ധാന്യങ്ങളുടെ വിലവര്ദ്ധനവ്. സെപ്റ്റംബര് 2022 ലെ 11.53% ല് നിന്ന് ഒക്റ്റോബര് 2022 ല് 12.08% ആയി വര്ദ്ധിച്ചു.
— സ്രോതസ്സ് downtoearth.org.in | 24 Nov 2022
Nullius in verba
ആരുടേയും വാക്ക് വിശ്വസിക്കരുത്
ലാഭേച്ഛയില്ലാതെ പ്രവര്ത്തിക്കുന്ന ഒരു സ്വതന്ത്ര ജനകീയ മാധ്യമമാണ് നേരിടം. ഈ പ്രവര്ത്തനത്തില് താങ്കളുടെ സഹായവും ആവശ്യമുണ്ട്. അതിനാല് ഈ ജനകീയ മാധ്യമത്തിന്റെ നിലനില്പ്പ് ആഗ്രഹിക്കുന്ന താങ്കള് കഴിയുന്ന രീതിയില് പങ്കാളികളാവുക.
To read post in English:
in the URL, before neritam. append en. and then press enter key.
