ഒരു കഥ പറഞ്ഞ് തുടങ്ങാം. പണ്ടൊരു ഗ്രാമത്തില് അതിസുന്ദരിയും അതിബുദ്ധിമതിയും ആയ ഒരു പെണ്കുട്ടിയുണ്ടായിരുന്നു. ആ നാട്ടിലെ നാടുവാഴിക്ക് അവളെ വിവാഹം കഴിക്കണമെന്ന് അതിയായ ആഗ്രഹമുണ്ടായി. അതിനായി അയാള് പല വഴികളും നോക്കി. പക്ഷേ ഒന്നും വിജയിച്ചില്ല. അവസാനം ഒരു കുതന്ത്രം പ്രയോഗിക്കാമെന്ന് കരുതി പെണ്കുട്ടിയെ കൊട്ടാരത്തിലേക്ക് വിളിപ്പിച്ചു. പൊതുകാര്യങ്ങള് പലതും അയാള് അവളോട് സംസാരിച്ചു. അവസാനം പൂന്തോട്ടത്തില് നടക്കാന് പോകാനായി അവളെ അയാള് ക്ഷണിച്ചു. അവര് രണ്ടുപേരും അതി സുന്ദരമായ പൂന്തോട്ടത്തിലൂടെ നടന്നു. പൂന്തോട്ടത്തിന്റെ നടപാതയില് … Continue reading വിലങ്ങന ചിന്ത
വിഭാഗം: അഭിപ്രായം
പരിസ്ഥിതിവാദം ആരെയാണ് ലക്ഷ്യം വെക്കേണ്ടത്
ചില കണക്കുകള് നോക്കാം ലോകത്തെ 90% ജലം ഉപയോഗിക്കുന്നത് കൃഷിയും വ്യവസായവും ആണ്. ഉത്പാദിപ്പിക്കുന്നതിന്റെ നാലില് മൂന്ന് ഭാഗം ഊര്ജ്ജവും ഉപയോഗിക്കുന്നത് വ്യവസായങ്ങളും വാണിജ്യവും ആണ്. വെറും നൂറ് കമ്പനികളാണ് ആഗോളതപനത്തിന് കാരണമാകുന്ന മലിനീകരണത്തിന്റെ 70% ഉം നടത്തുന്നത്. ലോകത്തെ ഏറ്റവും സമ്പന്നരായ 10% ആളുകള് ആണ് അവരുടെ ഉപഭോഗവും ജീവിത രീതിയും കാരണം മൊത്തം കാര്ബണ് ഉദ്വമനത്തിന്റെ 50% വരുത്തുന്നത്. ഒരു B-52 Stratocruiser ബോംബറിന് ഒരു മണിക്കൂര് പറക്കാന് വേണ്ടിവരുന്ന ഇന്ധനം കൊണ്ട് ഒരു … Continue reading പരിസ്ഥിതിവാദം ആരെയാണ് ലക്ഷ്യം വെക്കേണ്ടത്
നിശ്ഛല ചിത്രത്തെ വെച്ച് സാമൂഹ്യ വിശകലനം നടത്തുന്നവര്
ശ്രീ എം. കുഞ്ഞാമന് TrueCopyThink ല് എഴുതിയ ഒരു ലേഖനത്തെക്കുറിച്ച്(1) എനിക്ക് തോന്നിയ ചില കാര്യങ്ങളാണ് ചുവടെ കൊടുത്തിരിക്കുന്നത്. ഇതില് ബൂര്ഷ്വ എന്ന വാക്ക് ഉപയോഗിക്കുന്നുണ്ട്. അതൊരു ശകാരപ്പേരല്ല. ഒരു പ്രത്യേക സവിശേഷതകളുള്ള ഒരു കൂട്ടം ആളുകളെ സൂചിപ്പിക്കാന് വേണ്ടി ഉപയോഗിക്കുന്ന ഒന്നാണ്. ചില സ്ഥാനാര്ത്ഥി രാഷ്ട്രീയ സംഘടനകളും അവരുടെ വാലാട്ടി സംഘങ്ങളും നിരന്തരം പറഞ്ഞ് ശകാരവാക്കാക്കിയതാണ് അത്. പക്ഷേ ആ രീതിയില് ആ വാക്കിനെ കാണരുത് എന്ന് അപേക്ഷിക്കുന്നു. മുതലാളി എന്ന വാക്ക് തെറ്റിധാരണയുണ്ടാക്കും. നമ്മുടെ … Continue reading നിശ്ഛല ചിത്രത്തെ വെച്ച് സാമൂഹ്യ വിശകലനം നടത്തുന്നവര്
ചരിത്രത്തെക്കൊണ്ട് മഹാമാരിയുടെ ചികില്സ ചെയ്യുന്നവര്
കോവിഡ്-19 ലോകം മൊത്തം അതിന്റെ ദുരന്തം വിതച്ചുകൊണ്ടിരിക്കുന്ന കാലമാണല്ലോ ഇത്. വലിയ ആള് നാശവും സാമ്പത്തിക നാശവും ആണത് ലോക രാജ്യങ്ങളിലുണ്ടാക്കിയിരിക്കുന്നത്. ഇന്ഡ്യയിലെ സ്ഥിതിയും വ്യത്യസ്ഥമല്ല. എന്നാല് അതിന് വിപരീതമായി ചെറു സംസ്ഥാനമായ കേരളത്തില് രോഗത്തെ ഇതുവരെ നിയന്ത്രണ വിധേയമാക്കി നിര്ത്തിയത് ലോക ശ്രദ്ധ ആകര്ഷിക്കുകയുണ്ടായി. അതിന്റെ മുഴുവന് ക്രഡിറ്റും സംസ്ഥാന സര്ക്കാരിനുള്ളതാണ്. ചൈനയും മറ്റ് രാജ്യങ്ങളുമായി വലിയ വ്യാപാര സാമൂഹ്യ ബന്ധങ്ങളുള്ള മറ്റ് സംസ്ഥാനങ്ങള് തുടക്കത്തില് നിസംഗരായിര ഇരുന്നപ്പോള് തുടക്കത്തില് തന്നെ വ്യക്തമായ ആസൂത്രണത്തോടെ സംസ്ഥാനത്തെ … Continue reading ചരിത്രത്തെക്കൊണ്ട് മഹാമാരിയുടെ ചികില്സ ചെയ്യുന്നവര്
കോവിഡ്-19 ദുരന്തകാലത്തെ മാധ്യമപ്രവര്ത്തനം
ലോകത്തെ 30 രാജ്യങ്ങളില് മാത്രം 90,000 നഴ്സുമാര്, ഡോക്റ്റര്മാര്, മറ്റ് ആരോഗ്യ ജോലിക്കാര് തുടങ്ങിയ ആരോഗ്യ പ്രവര്ത്തകര്ക്ക് കോവിഡ്-19 ബാധിച്ചു. 14 മെയ് 2020 ലെ കണക്കാണിത്. 260 ല് അധികം ആരോഗ്യ പ്രവര്ത്തകര് രോഗത്തോട് കീഴടങ്ങി. മാനസിക സമ്മര്ദ്ദം സഹിക്കാനാകാതെ ഡോക്റ്റര്മാരുള്പ്പടെയുള്ള ആരോഗ്യ പ്രവര്ത്തകര് ആത്മഹത്യ ചെയ്യുന്നു. ഇതാണ് ഇന്നത്തെ സാഹചര്യം. ലോകം മൊത്തം ഒരു ദുരന്തമാണ്, അടിയന്തിരാവസ്ഥയാണ്. (1), (4) ചികില്സയില്ലാത്ത രോഗം ആദ്യം മനസിലാക്കേണ്ട ഏറ്റവും പ്രധാനപ്പെട്ട കാര്യം ഈ രോഗത്തിന് ചികില്സ … Continue reading കോവിഡ്-19 ദുരന്തകാലത്തെ മാധ്യമപ്രവര്ത്തനം
പരിസ്ഥിതിവാദം ഇരകളെ കുറ്റവാളികളാക്കുന്നുവോ
ജനങ്ങളും സര്ക്കാരുകളും സ്ഥാപനങ്ങളും തുടങ്ങി മനുഷ്യനുമായി ബന്ധപ്പെട്ടിട്ടുള്ള എല്ലാ സംവിധാനങ്ങളും എന്ത് ചെയ്താലും പരിസ്ഥിതിയെ കൂടി പരിഗണിച്ച് വേണം അത് ചെയ്യേണ്ടത് എന്ന് ഉദ്ബോധിപ്പിക്കുന്ന ഒരു കാലത്താണ് നാം ഇന്ന് ജീവിച്ചുകൊണ്ടിരിക്കുന്നത്. മുമ്പത്തെ ലേഖനത്തില് പറഞ്ഞത് പോലെ അറിവിന്റെ ശാഖയാണ് പരിസ്ഥിതി ശാസ്ത്രം. അതിനെ പ്രാവര്ത്തികമാക്കാന് നിര്ബന്ധിക്കുന്ന ചിന്താഗതിയാണ് പരിസ്ഥിതി വാദം.. അതിന് വേണ്ടി പ്രവര്ത്തിക്കുന്നവരെ പരിസ്ഥിതിവാദികള് എന്നും വിളിക്കുന്നു. ഇതില് പ്രധാനമായും രണ്ട് സംഘങ്ങളാണുള്ളത്. ഒന്ന് ശാസ്ത്രത്തിന്റെ അടിസ്ഥാനത്തിലുള്ള ശാസ്ത്രീയ പരിസ്ഥിതിവാദം. രണ്ടാമതായി കാല്പ്പനികതയുടെ അടിസ്ഥാനത്തിലുള്ള … Continue reading പരിസ്ഥിതിവാദം ഇരകളെ കുറ്റവാളികളാക്കുന്നുവോ
എന്താണ് പരിസ്ഥിതി വാദം
പരിസ്ഥിതി എന്നാല് ചുറ്റുപാട്. ആ ചുറ്റുപാടിനെക്കുറിച്ച് എന്തിന് വാദിക്കണം? അതാണ് ഈ നൂറ്റാണ്ടിലെ ഏറ്റവും വലിയ പ്രശ്നം. നാം ജീവിക്കുന്നത് ചുറ്റുപാടിലാണ്. ആ ചുറ്റുപാട് നമുക്ക് അനുയോജ്യമല്ലാത്ത രീതിയില് മാറുന്നു. തനിയെ മാറുന്നതല്ല. നമ്മള് എല്ലാവരും കൂടി തന്നെ മാറ്റുന്നതാണ്. അതിന് നിയന്ത്രണം കൊണ്ടുവന്ന് എല്ലാവര്ക്കും സുഖമായി ജീവിക്കാനുള്ള ചുറ്റുപാടുണ്ടാക്കണം എന്ന് വാദിക്കുന്നതാണ് പരിസ്ഥിതിവാദം. എന്തൊക്കെ മാറ്റങ്ങളാണ് ഉണ്ടാകുന്നത്, അത് എങ്ങനെയാണ് നമ്മേ ബാധിക്കുന്നത് തുടങ്ങിയ അനേകം കാര്യങ്ങള് ആരും ധ്യാനിച്ചോ, അപ്പുപ്പന്മാര് പണ്ട് പറഞ്ഞതില് നിന്നോ … Continue reading എന്താണ് പരിസ്ഥിതി വാദം
അമേരിക്കയുടെ ചികില്സാ ദുരന്തത്തിന് കാരണം സ്വകാര്യവല്ക്കണം ആണ്
[അമേരിക്കയില് എല്ലാവര്ക്കും ഇന്ഷുറന്സ് ഇല്ലാത്തതിനാലാണ് ഈ ചികില്സാ ദുരന്തം അവിടെ ഉണ്ടായത് എന്ന ഒരു വ്യാഖ്യാനം മാധ്യമങ്ങളില് കണ്ടു. എന്നാല് അത് തെറ്റാണ്. പ്രശ്നം ഇന്ഷുറന്സിന്റേതല്ല എന്ന് വ്യക്തമാക്കാനാണ് ഇത് എഴുതുന്നത്.] കൊവിഡ്-19 ലോകം മൊത്തം വ്യാപിക്കുകയാണല്ലോ. ചികില്സ കിട്ടിയാല് മൂന്നാഴ്ച കൊണ്ട് ഭേദമാക്കാവുന്ന വെറും ഒരു പനിയാണ് ഇത്. എന്നാല് സമ്പന്ന രാജ്യങ്ങളില് ഇത് വലിയ ദുരന്തമായി മാറിയിരിക്കുകയാണ്. എല്ലാ സമ്പന്ന രാജ്യങ്ങളിലും അങ്ങനെ സംഭവിക്കുന്നില്ലതാനും. നവഉദാരവല്ക്കരണ(neoliberal) നയങ്ങള് എത്ര തീവൃമായി നടപ്പാക്കുന്നു എന്നതിന് അനുസരിച്ചാണ് … Continue reading അമേരിക്കയുടെ ചികില്സാ ദുരന്തത്തിന് കാരണം സ്വകാര്യവല്ക്കണം ആണ്
ഗ്രാമീണ റോഡുകള് ഉയര്ത്തരുത്
നീരൊഴുക്ക് പ്രശ്നം പരിഹരിക്കേണ്ടത് അതിലെ തടസങ്ങള് കണ്ടെത്തി അത് നീക്കുകയാണ്. അല്ലാതെ ഭൂമിഉയര്ത്തി അത് പരിഹരിക്കാന് ശ്രമിക്കുന്നു എന്നത് ദുരുദ്ദേശപരമാണ്. റോഡുകളെ പരിശോധിച്ചാല് അവ രണ്ട് തരത്തിലുണ്ട് എന്ന് കാണാം. ഒരു പ്രധാനപ്പെട്ട സ്ഥലത്തേക്ക് എത്തുന്നതും, ഒന്നില്ക്കൂടുതല് പ്രധാനപ്പെട്ട സ്ഥലങ്ങളെ തമ്മില് ബന്ധിപ്പിക്കുന്നതും. ഇവ രണ്ടും തമ്മില് വലിയ വ്യത്യാസമുണ്ട്. ഗ്രാമീണ റോഡുകളാണ് ഒന്നാമത്തെ വിഭാഗത്തിലുള്ളത്. ഒരു ഗ്രാമത്തിലെ ജനം ആ റോഡിലൂടെ പ്രധാനപ്പെട്ട മറ്റൊരു സ്ഥലത്തേക്കെത്തുന്നു. ഉദാഹരണത്തിന് തൊഴിലിനോ സാധനങ്ങള് വാങ്ങാനോ പഠനത്തിനോ ഒക്കെ ആകാം. … Continue reading ഗ്രാമീണ റോഡുകള് ഉയര്ത്തരുത്
യുക്തിവാദികള് വിമര്ശിക്കാന് ഭയക്കുന്ന വിഷയം ഏതാണ്?
ഏയ്... അങ്ങനെയൊരു കാര്യം ഈ ലോകത്തിലുണ്ടാവില്ല. നിങ്ങള് വെറുതെ അസൂയ കൊണ്ട് പറയുന്നതാവും. കാരണം സുര്യന് താഴെയും മുകളിലുമുള്ള സകല കാര്യങ്ങളേയും കുറിച്ച് അവര്ക്ക് അഭിപ്രായമുണ്ട്. നിലനില്ക്കുന്ന എല്ലാ ധാരണകളേയും പൊളിച്ചെഴുതും. ക്വാണ്ടം ഫിസിക്സ്, ബിഗ് ബാങ്ങ്, പരിണാമം, പിന്നെ എണ്ണിയാലൊടുങ്ങാത്ത ശാസ്ത്രജ്ഞന്മാരുടെ പേരുകള് ഒക്കെ നിരത്തി അവര് എതിരാളികളെ അടിച്ച് മലര്ത്തുന്ന കാഴ്ചയൊന്ന് കാണേണ്ടത് തന്നെയാണ്. അതുപോലെ യുക്തിവാദി എന്ന് കേട്ടാല് ദൈവവിശ്വാസികളുടേയും മതവിശ്വാസികളുടേയുമൊക്കെ മുട്ടിടിക്കും. വിശ്വാസികള്ക്ക് അവരുടെ സ്വന്തം പുസ്തകങ്ങള് പോലും ഉപയോഗിച്ച് സ്വയരക്ഷ … Continue reading യുക്തിവാദികള് വിമര്ശിക്കാന് ഭയക്കുന്ന വിഷയം ഏതാണ്?